بیت‌ایل چ خدمت:‏ بپتسمہ‌یافتہ مبشر جنہاں دی عمر 35 سال تک اے،‏ جیہڑ‌ے پاکستان دے رہن والے تے بیت‌ایل چ خدمت کرنا چاہندے نیں،‏ اوہ جمعے دی دوپہر نوں ہون والے اجلاس وچ آ سکدے نیں۔‏ ایس اجلاس دے وقت تے جگہ دے بارے اعلان کیتا جاوے گا۔‏

بادشاہی دے مناداں لئی سکول:‏ اوہ پہل‌کار جنہاں دی عمر 23 توں 65 سال تک اے تے جیہڑ‌ے اپنی خدمت نوں ودھاؤنا چاہندے نیں،‏ اوہناں نوں اتوار دی دوپہرے ہون والے اجلاس تے آؤن دی دعوت دِتی جاندی اَے جتھے اوہ ایس سکول چ داخلے لئی درخاست دے سکدے نیں۔‏ ایس اجلاس دے وقت تے جگہ بارے اعلان کیتا جاوے گا۔‏

حاضرباش:‏ حاضرباش تواڈی مدد کرن لئی تیار نیں۔‏ جدوں اوہ توانوں پارکنگ یاں سیٹاں رکھن بارے ہدیت دیندے نیں یاں فیر توانوں اندر یاں باہر جان والے رستے وچ نہ کھلون دی درخاست کردے نیں تے مہربانی نال اوہناں نال تعاون کرو۔‏

بپتسمہ:‏ بپتسمے دے امیدواراں نوں ہفتے والے دن بپتسمے دی تقریر شروع ہون توں پہلے مخصوص سیٹاں تے بیٹھنا چاہیدا اے۔‏ ہر اِک نوں اپنا تولیہ تے مناسب کپڑے نال لیاؤنے چاہیدے نیں۔‏ بپتسمے دے امیدواراں لئی سٹیج دے سامنے والیاں سیٹاں رکھیاں جان گیاں۔‏

عطیے:‏ کنونشن تے لاؤڈسپیکراں،‏ سیٹاں تے دُوجیاں سہولتاں دا اِنتظام کیتا گیا اے تاکہ تُسی پورے پروگرام دا مزہ لے سکو تے یہوواہ خدا نوں ہور چنگی طرحاں جان سکو۔‏ ایہناں سہولتاں دے خرچے تواڈے خوشی نال دِتے عطیے دے ذریعے پورے کیتے جاندے نیں۔‏ ایہدے علاوہ ایہہ عطیے دُنیا بھر وچ منادی دے کم لئی وی استمال کیتے جاندے نیں۔‏ فرق فرق تھانواں تے عطیہ پاؤن لئی ڈبے رکھے گئے نیں۔‏ تواڈے عطیے دی بڑی قدر کیتی جاندی اے۔‏ گورننگ باڈی تواڈا شکریہ ادا کرنا چاہندی اے کہ تُسی عطیے دے ذریعے منادی دے کم نوں اَگے ودھا رہے او۔‏

اِبتدائی طبّی امداد دا شعبہ:‏ یاد رکھو کہ ایہہ شعبہ صرف ہنگامی حالت لئی اے۔‏

گواچیاں چیزاں دا شعبہ:‏ جے توانوں کسے دی گواچی چیز ملے تے ایہنوں ایس شعبے دے حوالے کر دَوو۔‏ جے تواڈی کوئی چیز گواچ جاوے تے ایس شعبے نال رابطہ کرو۔‏ ماں پیو توں وِچھڑن والے بچیاں نوں وی ایسے شعبے وچ پہنچا دیو۔‏ پر ایس شعبے دا مقصد ایہہ نئیں کہ ماں پیو اپنے بچیاں نوں اوتھے چھڈ دین۔‏ مہربانی کر کے اپنے بچیاں دا خیال رکھو تے اوہناں نوں اپنے نال رکھو۔‏

سیٹاں بارے معلومات:‏ دُوجیاں دا خیال رکھو۔‏ یاد رکھو کہ تُسی صرف اپنے گھر والیاں تے اوہناں لوکاں لئی سیٹاں رکھ سکدے او جیہڑ‌ے تواڈے نال گڈی وچ سفر کردے یاں جنہاں نال تُسی بائبل کورس کر رہے او۔‏ مہربانی کر کے اپنے لاگے چاگے دیاں سیٹاں تے چیزاں نہ رکھو۔‏

رضاکارانہ خدمت دا شعبہ:‏ جے تُسی کنونشن تے کیتے جان والے کماں وچ ہتھ ونڈاؤنا چاہندے او تے مہربانی نال ایس شعبے نال رابطہ کرو۔‏