گیت نمبر 7
یہوواہ ساڈا زور اے
(یسعیاہ 12:2)
-
1. اَے ساڈے شہنشاہ، اَے یہوواہ
تیری قوت تے طاقت بے پناہ
کرنے آں تیرے ای ناں دا اعلان
بھانویں لوک سُنن یاں کرن انکار
یہوواہ ساڈا تُوں ای مددگار
ہر پل لواں گے بس تیرا ناں
تیرا زور تیری طاقت بےشمار
تُوں ای ساڈی پناہ، تُوں ای قلعہ
-
2. تیرے بن زندگی خالی، ویران
تیرے کلام نے پائی نوِیں جان
مِٹھے نیں تیرے بول، تیرے فرمان
دل ساڈا بےقرار کر دا بیان
یہوواہ ساڈا تُوں ای مددگار
ہر پل لواں گے بس تیرا ناں
تیرا زور تیری طاقت بےشمار
تُوں ای ساڈی پناہ، تُوں ای قلعہ
-
3. دُشمن شیطان بھانویں لکھ کرے وار
مر دے دم تک نئیں مناں گا ہار
تیرے کول رہواں گا، دُور نہ ہوواں
تیرا زور پا کے فتح مَیں پانواں
یہوواہ میرا تُوں ای مددگار
ہر پل لواں مَیں بس تیرا ناں
تیرا زور تیری طاقت بےشمار
تُوں ای میری پناہ، تُوں ای قلعہ
(2-سموئیل 22:3؛ زبور 18:2؛ یسعیاہ 43:12 نُوں وی ویکھو۔)
