گیت نمبر 43
شکر گزاری دی دُعا
(زبور 95:2)
-
1. رحمدل یہوواہ میں تیرے در آ کے
ہتھ اپنے جوڑ کے تے سِر جھکا کے
اَے میرے مالک فریاد دلوں کراں
دُکھ دے ہنجوآں توں موُنہہ پھیریں نہ
اپنا اکلوتا نچھاور تُوں کر کے
داغ مٹا دِتے گُناہ دے میرے
تیری محبت کدی نہ بُھلاں گا
اُچی آواز تیرے گُن گاواں گا
-
2. پیار دے سائے ہیٹھاں آ کے یہوواہ
تیرے حضور بیٹھاں، مینوں سکھا
کرنا ایں روشن تُوں میرا ہر قدم
کول تیرے رہنا، تُوں میرا ہمدم
تیری قوت سدا مینوں سنبھالے
ہمت نال تیرا کراں میں اعلان
ہر پل کراں گا میں سیوا یہوواہ
میری تمنا ودھے تیری شان
(زبور 65:2، 4، 11؛ فِلپّیوں 4:6 نُوں وی ویکھو۔)
