جی ہاں، اَسی مسیحی آں۔ اَسی اِنج کیوں کہنے آں؟‏

•   اَسی یسوع مسیح دی تلیم تے عمل کرن تے اوہدی مثال تے چلن دی پوری کوشش کرنے آں۔—‏1-‏پطرس 2:‏21‏۔‏

•   ساڈا ایمان اے کہ انساناں نُوں صرف یسوع مسیح دے ذریعے ای نجات مل سکدی اے کیونکہ پاک کلام چ لکھیا اے کہ زمین تے کوئی ہور ناں نئیں چُنیا گیا جدے ذریعے سانوں نجات ملے۔—‏اعمال 4:‏12‏۔‏

•   جدوں لوک یہوواہ دے گواہ بن‌دے نیں تے اوہناں نُوں یسوع دے ناں تے بپتسمہ دِتا جاندا اے۔—‏متی 28:‏18، 19‏۔‏

•   اَسی یسوع دے وسیلے یہوواہ کولوں دُعا کرنے آں۔—‏یوحنا 15:‏16‏۔‏

•   اَسی مننے آں کہ یسوع سارے انساناں دا سربراہ اے تے خدا نے اوہنوں ہر انسان اُتے اِختیار دِتا اے۔—‏1-‏کُرنتھیوں 11:‏3‏۔‏

 اَسی کئی لحاظ نال دُوجے مسیحی فرقیاں توں فرق آں۔ مثال لئی، بوہت سارے مسیحی من‌دے نیں کہ یسوع خدا اے پر اَسی اوہنوں خدا دا پُتر مننے آں جیویں کہ پاک کلام چ لکھیا اے۔ (‏مرقس 12:‏29‏)‏ اَسی ایہہ وی نئیں من‌دے کہ خدا انساناں نُوں دوزخ دی اَگ چ تڑپاندا اے یاں انسان دے مرن توں بعد کوئی شے اوہدے جسم توں نکل کے کسے ہور جگہ زندہ رہندی اے۔ نالے اَسی ایہہ وی نئیں من‌دے کہ پیشوائی کرن والیاں نُوں دُوجیاں نالوں اُچا ظاہر کرن لئی کوئی خاص لقب دِتے جان۔ واعظ 9:‏5؛‏ حِزقی‌ایل 18:‏4؛‏ متی 23:‏8-‏10‏۔‏