Pan 6 reh agosto reh 2022, re’ hermano Gilles Mba, jenaj reh i ki’ilwik reh i Sucursal ar Camerún xuk’uhtaaj i Santo Laj Huuj Traducción del Nuevo Mundo re’ Ak’ K’uhb’aal pan q’orb’al bulú pan jenaj k’uhb’aal i kib’anam naq chik grabar. Re’ k’uhb’aal wilih xilarik pan Internet, eh re’ Santo Laj Huuj wilih ne naq chik irub’an chi ne inqahsjik pan Internet. Inquyeej chi re’ wilih ne inelik pan huuj pan 2023.

Wilik ju’jun taqeh i Santo Laj Huuj pan q’orb’al bulú, xa re’ la’ k’ih tz’aaq taqeh. Wilik inkikoj taqeh q’orik k’axik rureqariik chi riij, eh ma’xta i rub’ihnaal i Dios chupaam. Eh wilik pech ma’ jenaj ta wach iruq’or ruuk’ taqeh i Santo Laj Huuj tz’ihb’amaj cho najtir. Jenaj ehtalil, ju’jun taqeh i Santo Laj Huuj pan q’orb’al wilih inkijal wach taqeh q’orik Rajaawriik i Dios ruuk’ taqeh q’orik «Rutinamiit i Dios», «Rufamilia i Dios» oon «Ruye’aab’ i Dios». Re’ Santo Laj Huuj re’ ko re’ xelik, noq irukoj i q’orik Ajaawriik, ma’ k’axik ta rureqariik chi riij chi k’ahchi’ ruq’oriik chi riij i Rajaawriik i Jehová i rupahb’aam pan taxaaj.

Jenaj keh taqeh irik’saj i q’orik pan q’orbal bulú iruq’or: «Ruuk’ i Santo Laj Huuj wilih ch’iklik pan qak’ux chi re’ k’ahchi’ qaq’orom keh taqeh tokoom korik».

Ch’iklik pan qak’ux chi re’ Santo Laj Huuj Traducción del Nuevo Mundo re’ Ak’ K’uhb’aal pan q’orbal bulú narutob’eem taqeh hermano, reh chi ne inkitob’eej «awach inkireq chi riij chi ko wilik i ajwaal wach chi keh ruuk’ i kinimaniik» (Mateo 5:3).