Pan 20 reh enero reh i 2020, reʼ i wilkeebʼ pan Betel ar Camerún xkijal i kiyeʼaabʼ, yuʼnaak reʼ kiʼoficina wilik Logbessou, pan tinamit Duala. Pan Sucursal reʼreʼ wilkeebʼ 59 chi hermano eh hermana kikamanik rajlaal qʼiij. Eh 71 chi hermano xa kiponik chi tobʼinik pan Sucursal.

Najtir reʼ taqeh oficina wilkeebʼ ar Bonaberi, ar pan tinamit Duala. Reʼ taqeh hermano xkikorsaj chi korik taqeh paat wilih pan haabʼ 1993, eh noq ko majaʼ imponik i haabʼ reʼreʼ, chuwach 23 haabʼ reʼ taqeh Testigo maʼ inyeʼarik ta naq qʼabʼ keh chi ne inkibʼan i kikamaj. Pan 1993 reʼ taqeh ajqʼorol kʼuhbʼaal inilwik reh i Sucursal reh Camerún 19,268 naq taqeh, yuʼnaak 52,000 chik taqeh. Eh yuʼnaak inkikʼsaj taqeh i qahuuj pan 29 chi qʼorbʼal. Ruum ajreʼ xkisikʼ jenaj nimlaj yeʼaabʼ reh i sucursal. a

Pan rukuxiik i haabʼ 2020 inkaaj kikorsam jenaj yeʼaabʼ keh taqeh i kiponik chi ulaʼinik ar. Inkaaj kikʼuhtaam chi riij i kamanik inbʼaan pan sucursal, eh inkaaj woʼ kikʼuhtaam nikʼwach naq i qʼoroj kʼuhbʼaal ar Camerún, Gabón eh Guinea Ecuatorial.

Reʼ hermano Stephen Attoh, reh i Comité reh Sucursal ar Camerún, xuqʼor: «Noq xojponik pan akʼ sucursal, maʼ inukoj ta naq wach, xa jeʼncho wirik naq inubʼan. Pan holohik laj yeʼaabʼ wilih inqaaj kamanik chuwach i Jehová ruukʼ chuʼnchel qakʼux. Reʼ Jehová chuʼnchel iruyeew qeh, eh qʼeʼ inqatyoxej i wilih» (Salmo 145:7).