Pan jenaj nimlaj moloj iibʼ reh ixibʼ qʼiij ar Duala (Camerún), pan 2 reh agosto reh 2019 xelik i Santo Laj Huuj reʼ Traducción del Nuevo Mundo reh taqeh Escrituras Griegas Cristianas. Jenaj haabʼ ruukʼ waqiibʼ poh xukʼam rikʼsjiik i Santo Laj Huuj pan qʼorbʼal wilih. Peet keh taqeh testigo reh Jehová chi inkikʼsaj i Santo Laj Huuj pan jenaj qʼorbʼal reh i tinamit Camerún.

Reʼ hermano Peter Canning, reh i Comité reh Sucursal ar Camerún, xuqʼahsaj i Santo Laj Huuj pan peet qʼiij reh i nimlaj moloj iibʼ, reʼ xbʼaan pan jenaj Yeʼaabʼ reh Nimlaj moloj iibʼ ar Logbessou. Reʼ xiwihʼik ar 2.015 chi kʼachareel.

Noq ko majaaʼ inkikʼul i Santo Laj Huuj, reʼ taqeh hermano kiqʼorik bassa inkikoj naq jenaj Santo Laj Huuj kʼih tʼzaaq eh maʼ inreqarik ta naq chi riij chi korik. Jenaj hermano i xtobʼinik ruukʼ i Santo Laj Huuj wilih iruqʼor: «Reʼ akʼ Santo Laj Huuj wilih narutobʼeem taqeh i ajqʼorol kʼuhbʼaal reh chi ne inkireq chi riij i Santo Laj Huuj eh ne inkikʼax i Jehová eh i rutinamiit».

Wilik na 300.000 chi kʼachareel kiqʼorik bassa ar Camerún, eh wilik na 1.909 chi ajqʼorol kʼuhbʼaal i kiqʼorik bassa chupaam taqeh yeʼaabʼ reʼreʼ, reʼ kiʼilwik reh ruum i Sucursal ar Camerún.

Qehtʼal chi reʼ Santo Laj Huuj wilih manlik wach eh inreqarik chi riij, eh narutobʼeem taqeh kʼachareel reh chi ne inkil chi reʼ i «ruqʼoral i Dios kʼachlik» (Hebreos 4:12).