Pan domingo 3 reh junio reh i 2018 jenaj volcán wilik Guatemala xukut i qʼaaqʼ, kʼih i qʼaaqʼ xrisaj, eh reʼ runajtiil naah i sibʼ 9 kilómetros. Lajeebʼ chi congregación xkikʼul i kʼaxkilal. Maʼ jenoʼ keh i hermano xukʼul i tiʼ, xa reʼ laʼ waxaqiibʼ keh xqʼorarik keh chi nakikanaam i kiyeʼaabʼ reh chi maʼ ne ta inkikʼul i kʼaxkilal ruum i wilih. Reʼ wilih irukʼam riibʼ ruukʼ iruqʼor pan 2 Corintios 8:14, 15, ruum chi reʼ taqeh Testigo reh Jehová i kipatinik ar chi cheel ahaʼ wiiʼ xkʼularik i kʼaxkilal xkiyeew kiwaʼ kihaaʼ, xkikʼul taqeh pan kipaat eh xkisikʼ nikʼwach nakikʼamam taqeh hermano i xkikʼul i tiʼ kʼaxik.