Pan 10 reh octubre reh 2022, reʼ taqeh ajqʼatal qʼorik reh Solnechniy reh i tinamit Khabarovsk xqʼorarik chi nakitzʼapaam i hermano Boris Yagovitov chuwach i hoʼoobʼ haabʼ. Noq ko majaaʼ inkibʼan i qʼatal qʼorik chi naah xkitzʼap chuwach belejebʼ poh. Xkehsaj pan kiyeʼaabʼ taqeh preexo eh xkiqʼor chi ko majaaʼ nakiyeʼem preexo.

1. 14 reh diciembre reh 2020

   Reʼ taqeh inkitzʼir riij kʼahchiʼ naq kibʼiram xkiqʼor i Boris ruchʼihiil jenaj winaq kʼahchiʼ naq rutijem i Santo Laj Huuj xa ruum chi iraaj naq runabʼeem chi kiij taqeh testigo reh Jehová reh rilariik nikʼwach rujotʼariik narubʼanam

2. 14 reh mayo reh 2021

   Inkitoqʼaaʼ i qʼataj qʼorik chi naah i Boris. Xkikoj i mahk chi naah ruum chi kʼahchiʼ rumolom riibʼ ruukʼ jenaj molaabʼ inkiqʼor chi yiibʼ wach eh kʼahchiʼ ruqʼoreem taqeh kʼachareel reh chi ne inkimol kiibʼ ruukʼ

3. 5 reh junio reh 2021

   Kikʼamarik chuwach taqeh policia ruukʼ i rehkʼeen Nataliya noq kʼahchiʼ rusikʼariik paam i kipaat. Inkichop eh inkitzʼap chuwach i kiʼibʼ qʼiij

4. 7 reh junio reh 2021

   Xkehsaj ahaʼ naq wiiʼ kitzʼapam eh xkitzʼap pan rupaat

5. 29 reh diciembre reh 2021

   Irutoqʼaaʼ i qʼataj qʼorik. Chupaam i yeʼaabʼ reh qʼatal qʼorik, reʼ taqeh abogado xkipahqaaj i ajqʼatal qʼorik chi ne intzʼaparik i Boris ruum chi reʼ taqeh abogado xkiqʼor chi reʼ reh maʼ xubʼan ta chajariik xuqʼor i ajqʼatal qʼorik. Inkikoj preexo i Boris

6. 24 reh febrero reh 2022

   Reʼ ajqʼatal qʼorik xuqʼor keh taqeh abogado chi maʼ na ta rubʼanaam i qʼataj qʼorik chi naah i Boris ruum chi maʼ xkitzʼir ta riij chi korik i xkiqʼor chi riij. Xa reʼ laʼ, reʼ Boris maʼ xkehsaj ta ahaʼ wiiʼ xtzʼaparik

7. 9 reh junio reh 2022

   Irutoqʼaaʼ woʼ chik i qʼatal qʼorik

Reʼ inkibʼan i Boris eh Nataliya ne irubʼan chi ne inqatijej qeh kuukʼ reh chi ne qojkapebʼinik chi riij i holohik eh chi riij iruyeew ruloqʼil i Jehová. Qehtʼal chi reʼ Dios iruyeew tuqkilal chi ne inwihʼik kuukʼ (Filipenses 4:8, 9).