Pan 22 reh diciembre reh 2022, reʼ taqeh ajqʼatal qʼorik reh Viázemski, reh i tinamit Jabárovsk, Reʼ hermano Serguéi Kúznetsov xkojarik chik i mahk chi naah. Noq ko majaaʼ inkibʼan i qʼataj qʼorik chi naah xkitzʼap chuwach kiʼibʼ haabʼ ruukʼ hoʼoobʼ poh. Xa reʼ laʼ, xkehsaj eh xkiqʼor chi ko majaaʼ narojiik prexo.

1. 3 reh septiembre reh 2020

   Reʼ taqeh policía xiʼokik pan rupaat i Serguéi eh xkisikʼ paam. Xkikʼam jenaj Santo Laj Huuj, taqeh teléfono, taqeh memoria USB eh taqeh i kihuuj.

2. 2 reh abril reh 2021

   Reʼ taqeh aj qʼatal qʼorik inkiqʼor chi reʼ reh jenaj aj kansineel. Maʼ inkiyeew ta chik qʼabʼ reh chi ne irisaj tumiin pan banco.

3. 9 reh noviembre reh 2021

   Irutikʼaaʼ i qʼataj qʼorik.

Chʼiklik qakʼux chi reʼ Jehová naruyeʼem kansil taqeh hermano ajRusia eh ajCrimea i kʼahchiʼ kikuyum chuʼnchel pan rubʼihnaal i Dios (Apocalipsis 2:3).