Reʼ 17 reh enero reh 2023, reʼ taqeh ajqʼatal qʼorik reh Avtozavodskiy reh tinamit Nizhny Novgorod xkikoj rumahk i hermano Gevorg Gevorkyan. Xqʼorarik chi nakitzʼapam chuwach waqiibʼ haabʼ, xaʼ reʼ la ko majaaʼ nakiyeʼem preexo.

1. 17 reh julio reh 2019

   Insikʼarik paam i rupaat kuum taqeh policia. Inkʼamarik taqeh kitableta, kitelefono eh kicomputadora eh taqeh kihuuj

2. 18 reh julio reh 2019

   Inkichop pan rukamaj eh inkʼamarik jeʼ pan kiyeʼaabʼ taqeh policia. Inkichop chuwach i lajeebʼ hora

3. 26 reh agosto reh 2021

   Maʼ inyeʼarik ta chik qʼabʼ chi ne inelik pan tokoom tinamit

4. 24 reh noviembre reh 2021

   Inkikoj rumahk ruum chi reʼ reh inkʼamwik bʼeeh pan taqeh moloj iibʼ keh taqeh testigo reh Jehová

5. 26 reh enero reh 2022

   Reʼ ajqʼatal qʼorik iruqʼor keh taqeh abogado chi maʼ na ta ruqʼatariik qʼorik chi naah ko rehtaal inkikorsaj wach jenaj kʼaxkilal

Jeʼ rukabʼ irukʼuhtaaj i rehtalil i Gevorg, mi inqakapaaj «chi jeʼ woʼ reʼ i tiʼ kʼaxik kʼahchiʼ kikʼulum taqe quch hermano wilkeebʼ sut i wach akʼal». Reʼ wilih ne qojrutobʼeej chi hoj kow chuwach i ajYahm eh «kow-oq taq qakʼux chunimjiik i Dios» (1 Pedro 5:9).