Reʼ 17 reh marzo reh 2023, re’ taqeh aj q’atal q’orik reh i tinamit Sosnovoborsk, ar Krasnoyarsk, xkiqʼor chi reʼ hermano Yuriy Yakovlev wilik rumahk eh chi narojiik preexo chuwach waqiibʼ haabʼ ruukʼ kiʼibʼ poh. Xtzʼaparik pan marzo reh 2022 eh tzʼaplik ko yuʼnaak.

1. Junio ko pan diciembre reh 2021

   Re’ taqeh policía, chi ma’ reht’al i Yuriy inkib’iraj naq chuʼnchel taqeh llamada irub’an eh inkichaʼjeej naq chu’nchel i irub’an reh rukojariik rumahk.

2. 28 reh marzo reh 2022

   Xkikoj i mahk chi naah ruum chi kʼahchiʼ rukorsam taqeh moloj iib’ pan videoconferencia reh jenaj molaab’ yiib’ wach. Noq xkisik’ paam i rupaat i Yuriy ma’ xkipahqaaj ta q’ab’ reh jeno’ juez chi rub’anariik.

3. 29 reh marzo reh 2022

   Insik’arik paam i kipaat ho’oob’ chi familia testigo reh Jehová taqeh eh xkisik’ wo’ paam i rupaat jenaj winaq re’ xq’orik ruuk’ i Yuriy chi riij i Santo Laj Huuj. Xtz’aparik i Yuriy.

4. 30 reh marzo reh 2022

   Ma’ xkiyeew ta q’ab’ reh chi ne inelik ko rehtaal imponik i q’iij reh q’ataj q’orik.

5. 20 reh junio reh 2022

   Inkitoq’aa’ i qʼataj qʼorik.

Ch’iklik pan qak’ux chi re’ Jehová narutob’eem eh naruye’em kansil taqeh rajkamanoom i korik wach kik’ux ruuk’ eh inkikoj kik’ux ruuk’ (Isaías 40:31).