Pan 7 reh noviembre reh 2022, reʼ taqeh ajqʼatal qʼorik reh i tinamit Nikolskiy, ar Penza, xkiqʼor chi reʼ hermano Viktor Shayapov wilik rumahk eh reʼ tojbʼal mahk xkiyeew chi naah, reʼ chi ne inooj preexo kiʼibʼ haabʼ. Xa reʼ laʼ, ko majaaʼ narojiik preexo.

1. 19 reh agosto reh 2021

   Inkitoqʼaaʼ rutzʼirariik riij i rukʼachariik. Xkiqʼor chi yiibʼ wach i rukapebʼaal eh irumin taqeh i tokoom chi rubʼanariik chajariik iraaj i reh.

2. 5 reh febrero reh 2022

   Xchoparik ruum taqeh policía. Xqʼeq xkisikʼ paam i rupaat. Xchoparik eh xkʼamarik ar Penza, reʼ yeʼaabʼ wilih 740 kilómetros najt ruukʼ i rupaat.

3. 6 reh febrero reh 2022

   Xtzʼaparik chuwach juʼjun taqeh qʼiij.

4. 8 reh febrero reh 2022

   Xkisaj chupaam i yeʼaabʼ ahaʼ naq wilik wiiʼ eh xkitaqʼaaj pan rupaat, xa reʼ laʼ kʼahchiʼ naq kichaʼjeem.

5. 28 reh marzo reh 2022

   Intohqʼik i qʼataj qʼorik.

Qʼeʼ inqatyoxej reh i Jehová chi iruyeew qeh i tuqkilal, reʼ inchaʼjinik reh i qanima eh jeʼ woʼ i qakapebʼaal noq wilik tiʼ kʼaxik (Filipenses 4:7).