25 REH MAYO REH 2022
RUSIA

RE’ K’AHCHI’ RUK’ULARIIK YU’NAAK | Ma’ ne ta irub’an chi ne qojyo’jik

REPRODUCIR EN

Re’ 25 reh mayo reh 2022, re’ taqeh aj q’atal q’orik reh i tinamit Metallurgichesky ar Chelyabinsk xukoj rumahk i hermano Pavel Popov eh xkiq’or reh chi narojiik prexo waqiib’ haab’. Xa re’ la’, ko majaa’ ink’amarik prexo.

Chajariik xuk’ul

26 reh marzo reh 2019

Lajeeb’ chi winaq tz’aplik i kiwach, inkik’am naq i kipuhb’ eh jenaj almágana, xkisik’ paam i rupaat i Pavel.
22 reh abril reh 2021

Re’ taqeh aj q’atal q’orik inkitoq’aa’ kamanik
18 reh mayo reh 2021

Re’ taqeh policía inkisik’ wo’ chik paam i rupaat i Pavel. Re’ rehk’een i Pavel, re’ Yelena, ruch’ihil i rixq’uun i 13 haab’ wilik reh, xik’amarik rejeh reh chi ne kiq’orik chi riij ju’jun taqeh pahqanik.
31 reh agosto reh 2021

Xkiq’or chi re’ Pavel k’ahchi’ rukojom i yo’jik chupaam i tinamit eh chi yiib’ wach i rukapeb’aal.
29 reh noviembre reh 2021

Irutik’aa’ i q’ataj q’orik.

Chi riij i reh

Pavel Popov

Xasjik pan haab’: 1977 (Ar Novokuznetsk, pan tinamit Kemerovo)

Chi riij i ruk’acharik: Xutik’aa’ i b’anaj ha’ eh b’anaj sik’ noq ko k’ijool, ruum chi pan rufamilia ma’ irureq ta naq rusuqkiil ruk’ux. 15 haab’ naq wilik reh noq xkimik i rajaaw. Xkamanik chi soldador.

Xponik chuwach tijinik chi riij i Santo Laj Huuj noq xub’iraj chi riij i junelik k’acharik pan holohik laj ye’aab’ ayu’ naah ak’al. Xutik’aa’ tijinik chi riij i Santo Laj Huuj kuuk’ taqeh testigo reh Jehová pan 1994. Xsahchik ruk’ux noq xub’iraj iruq’or i Santo Laj Huuj eh chi re’ iruq’or cho rub’iral inooj eloq wach. Xuqahsaj ruhaa’ pan 1995.

Xub’an kaxaro ruuk’ i Yelena pan 2003. Wilik jenaj kixq’uun.

Re’ iruq’or i reh

¿Chajariik xtob’inik aweh reh chi ma’ ne ta naq tiyo’jik?

Re’ Jesús xuq’or chi noq ne qojkik’am chi kiwach taqeh aj q’atal q’orik, ne inqakoj i junk’aam re’re’ reh ruq’orariik i k’uhb’aal (Mateo 10:18). Mareh k’axik chi qeh ruq’orariik i k’uhb’aal noq wilkooj chi je’ wilih, xa re’ la’ re’ Jehová eh re’ taqeh hermano k’ahchi’ naq kiin kitob’eem reh rub’anariik i wiilih. Re’re’ irub’an chi ma’ ne ta kinyo’jik. Korik chi inuk’ul i pajarik, xa re’ la’ k’ih wo’ i kuxisanik inuk’ul. Mi inukoj nuk’ux chi riij i rub’ihnaal i Dios eh chi riij i Rajaawriik, re’re’ ne irub’an chi ma’ ne ta kinyo’jik eh ma’ ne ta inkajik nuk’ux.

Qeht’al chi re’ Jehová narutob’eem eh narukuxisam taqeh rajkamanoom korik wach kik’ux chuwach i pajarik (2 Samuel 22:19-21).

COMUNICADOS