Reʼ 22 reh febrero reh 2023, reʼ hermano  Aleksandr Shcherbina xelik cho pan kiyeʼaabʼ taqeh preexo ar Rusia ahaʼ wiiʼ kiyeʼem naq pan kowlaj kamanik pan tinamit Rostov-on-Don. Xkitzʼap 79 chi qʼiij noq ko majaaʼ naq inkibʼan i qʼataj qʼorik chi naah eh xwihʼik 609 chi qʼiij pan kiyeʼaabʼ taqeh preexo, ahaʼ wiiʼ xyeʼarik pan kowlaj kamanik. Jeʼ reʼ noq kiʼibʼ haabʼ xtzʼaparik.

Noq maʼ najt ta naq chik iraaj chi ne inkikohlaj i qʼataj qʼorik chi naah i Aleksandr, reʼ i rehtalil i Mardoqueo xuyeew rukowiil rukʼux. «Reʼ Mardoqueo maʼ xyoʼjik ta ruum i Hamán, atoobʼ ta reʼ winaq wilih jenaj ajixowaal i qʼeʼ naq kow. Reʼ naq i ko ruman reh i Mardoqueo reʼ naq i wihʼik chi korik wach rukʼux chuwach i Jehová. Atoobʼ ta wilik naq kʼaxkilal, rukapebʼjiik chi riij i rehtalil kirutobʼeej reh chi kow nukʼux».

Qʼeʼ inqatyoxej i rehtalil i hermano Aleksandr. Insuqbʼik qakʼux chi wilik woʼ chik ruukʼ taqeh ramigo eh ruuk’ i rufamilia, eh inquy’eej chi ruukʼ i rotobʼil i Jehová korik oq wach kikʼux chi nimanik (1 Corintios 16:13).