Reʼ taqeh testigo reh Jehová reh i tinamit Mariúpol, Járkov, Hostomel, eh wilik chik tokoom tinamit kʼahchiʼ kikʼulum i tiʼ kʼaxik ruum taqeh i bomba ar Ucrania. Juʼjun taqeh kʼachareel maʼ kibʼanam ta elik chuwach jenaj xamano. Wilik i maʼxta chik kiwaʼ eh kʼaxik chi ne inkiqʼoʼreej i tokoom ruum chi maʼxta luz eh reʼ taqeh teléfono maʼ kikamanik ta chik.

Qʼeʼ tiʼ xkʼularik, ruum chi reʼ hermano Dimitro Rozdorski xkimik, wilik naq reh 28 haabʼ eh inkʼamwik naq bʼeeh pan congregación reh Myrnohrad, xkimik ruum chi xpahʼik chi naah jenaj bomba. Inqapahqaaj reh i Jehová chi ne irutobʼeej taqeh hermano xkiqʼebʼ i kifamilia pan kimik eh jeʼwoʼ chi kiij taqeh hermano wilkeebʼ ahaʼ wiiʼ kow riibʼ i qʼaqʼinik (2 Tesalonicenses 3:1).

Pan 7 reh marzo reh 2022, reʼ taqeh i wilih kʼahchiʼ rukʼulariik ar Ucrania:

• Kiʼibʼ chi testigo reh Jehová xikimik.

• Waxaqiibʼ chi Testigos tiʼ wilkeebʼ.

• 20.617 Chi Testigos xkikanaaʼ i kipaat eh xiʼooj pan tokoom tinamit, ahaʼ wiiʼ ne inkikoʼleej kiibʼ.

• 25 i paat xiyojibʼik.

• 29 i paat xiyojibʼik chujumpech.

• 173 paat xiyojibʼik kʼisiin.

• 5 chi yeʼaabʼ reh moloj iibʼ xiyojibʼik kʼisiin.

• Wilik 27 tzuhbʼ chi hermano reʼ kiʼilwik reh inkikʼul i tiʼ kʼaxik, kʼahchiʼ kikamanik ar Ucrania.

• Reʼ taqeh i kiʼilwik reh inkikʼul i tiʼ kʼaxik, xkitobʼeej 6.548 chi Testigos reh chi ne inkireq jenoʼ yeʼaabʼ ahaʼ wiiʼ ne inkikoʼleej kiibʼ.

• 7.008 Testigos xkikanaaʼ i tinamit eh kʼahchiʼ kikʼulum kitobʼaal keh i tokoom chi Testigos.

• Xkikorsaj jenaj yeʼaabʼ ahaʼ wiiʼ inbʼaan taqeh i nimlaj moloj iibʼ eh 30 yeʼaabʼ reh moloj iibʼ reh rukʼulariik taqeh hermano pan juʼjun taqeh yeʼaabʼ ar Ucrania, jeʼ rukabʼ ar Chernovtsi, Ivano-Frankovsk, Lviv (oon Leópolis) eh Transcarpatia.