¿Xa aha’ ta wo’ wilik i Dios?
Reʼ i ruqʼor i Santo Laj Huuj
Reʼ i Dios iril chuʼnchel eh ne rukoj ransil xa ahaʼ paʼ iraaj i reh (Proverbios 15:3; Hebreos 4:13). Xa reʼ laʼ reʼ Santo Laj Huuj maʼ irukʼuhtaaj ta chi xa ahaʼ inwihʼik i Dios. Irukʼuhtaaj laʼ chi reʼ i Dios jenaj uxlabʼal eh chi wilik jenaj ruyeʼaabʼ.
Nikʼwach i Dios: Jenaj uxlabʼal (Juan 4:24). Ruum aj reʼ maʼ inkil ta wach (Juan 1:18). Reʼ taqeh iloj tzʼihbʼamaj chupaam i Santo Laj Huuj inkʼutinik chi reʼ i Dios wilik jenaj ruyeʼaab (Isaías 6:1, 2; Apocalipsis 4:2, 3, 8).
Ahaʼ impatinik: Reʼ ruyeʼaabʼ i Dios maʼ jenaj ta wach ruukʼ i qayeʼaabʼ i hoj. Reʼ reh wilik jenaj ruyeʼaabʼ pan uxlabʼal ar pan taxaaj (1 Reyes 8:30). Reʼ i ruqʼorbʼal i Dios iruqʼor chi «xponik i qʼiij chi xooj kimol kiibʼ i ángel chuwach i QaJaaw Dios», Jehová. a Reʼ i wilih irukʼuhtaaj chi reʼ i Dios wilik jenaj ruyeʼaab ar pan taxaaj (Job 1:6).
Wilaʼ reʼ i Dios mi maʼ xa ahaʼ ta ne inwihʼik ¿ne ta woʼ kirucha’jeej?
Hooʼ. Atoobʼ ta reʼ i Dios pan uxlabʼal wilik, reʼ reh irukapaaj taqeh ajwach patinik inkibʼan wach akʼal. Irukoj rehtaal chi inqakoj qakʼux chi runimjiik eh qojrutobʼeej (1 Reyes 8:39; 2 Crónicas 16:9). ¿Nikʼwach irukʼuhtaaj chi qojraaj eh chi qojruchaʼjeej?
Noq inqabʼan qatiij: Reʼ i Jehová irubʼiraj qatiij noq manlik kʼahchiʼ koj chi tiij (2 Crónicas 18:31).
Noq tiʼ qakʼux: «Reʼ QaJaaw Dios xa wilik woʼ kuukʼ chi kitoobʼjiik i tiʼ wilik i kánima. Eh i rukoʼleej taqe i xamaʼ naa ta chik keliik chupaam i tiʼ kʼaxik noq inkikʼraaj» (Salmo 34:18).
Noq inqaaj qanaʼojbʼal: Ruukʼ i ruqʼorbʼal, reʼ Santo Laj Huuj, reʼ i Jehová iruyeew qanaʼojbʼal eh iruqʼor qeh ahaʼ wilik i bʼeeh naqojiik wiiʼ (Salmo 32:8).
Reʼ i chukuj qʼorik inkiqʼor chi reʼ Dios xa ahaʼ inwihʼik
Reʼ inkikoj wach i juʼjun: Reʼ i Dios xa ajwach uukʼ ne inwihʼik.
Reʼ i korik: Reʼ i Dios maʼ impatinik ta ayuʼ wach akʼal (1 Reyes 8:27). Reʼ Santo Laj Huuj iruqʼor chi reʼ taqeh ch’umiil eh chuʼnchel taqeh xutzʼuhkrisaj i Dios inkʼuhtanik «chi xiikʼ naah i ruloqʼil i Dios» (Salmo 19:1). Xa reʼ laʼ, reʼ i wilih maʼ iraaj ta ruqʼorom chi reʼ i Dios impatinik ruukʼ taqeh i xutzʼuhkrisaj. Jeʼ rukabʼ jenoʼ pintor maʼ impatinik ta chupaam taqeh i rucuadro. Jenaj cuadro iruqʼor qeh chi riij ajwach xkorsanik reh. Jeʼ woʼ reʼ ne inqaqʼor chi riij taqeh i xutzʼuhkrisaj i Dios ruum chi irukʼuhtaaj qeh taqeh runaʼojbʼal jeʼ rukabʼ i rajaawriik, i runaʼojbʼal eh i rukʼaxooj (Romanos 1:20).
Reʼ inkikoj wach i juʼjun: Wilaʼ reʼ i Dios maʼ xa ahaʼ ta inwihʼik, maʼxta ne runabʼeej eh maʼxta woʼ rajaawriik.
Reʼ i korik: Reʼ Santo Laj Uxlabʼal jenaj ansil inchalik ruukʼ i Dios, reʼ irukoj chi kamanik. Ruum reʼ i ansil reʼreʼ, reʼ i Dios ne irubʼan chi ne irunabʼeej chuʼnchel inkʼularik eh ne irubʼan xa chajariik iraaj atoobʼ ta maʼ inqil wach (Salmo 139:7).
Reʼ inkikoj wach i juʼjun: Reʼ i Salmo 139:8 irukʼuhtaaj chi reʼ i Dios xa ahaʼ inwihʼik ruum chi iruqʼor: «Neeta kinjohtik pan taxaaj nee woʼ kinawilow ar. Eh nee ta kinooj ko paruchamiil akʼal kiyeʼaabʼ i kamnaq, nee woʼ kinawilow ar».
Reʼ i korik: Reʼ i texto wilih maʼ iraaj ta ruqʼorom chi reʼ i Dios xa ahaʼ paʼ wilik. Ruukʼ holohik qʼorik irukʼuhtaaj laʼ qeh chi reʼ Dios ne qojrutobʼeej xa ahaʼ paʼ wilkooj i hoj.
a Reʼ Santo Laj Huuj iruqʼor chi reʼ i rubʼihnaal i Dios Jehová.
Puede que también le interese
TAQEH PAHQANIK CHI RIIJ I SANTO LAJ HUUJ
¿Chajariik i santo laj uxlabʼal?
Reʼ Santo Laj Huuj iruqʼor chi reʼ santo laj uxlabʼal jeʼ rukabʼ «taqeh ruqabʼ» i Dios ¿Chaj woʼ reet?
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.