¿Jarubʼ i bʼihnaal wilik reh i Dios?
Reʼ iruqʼor i Santo Laj Huuj
Reʼ Dios xa jenaj i rubʼihnaal. Pan hebreo intzʼihbʼjik יהוה (YHWH) eh pan kaxlan qʼorik inqʼorarik «Jehová». a Reʼ Dios xuqʼor reh i ruprofeta Isaías: «Reʼ hin Jehová. Reʼ wilih i nubʼihnaal» (Isaías 42:8; Traducción del Nuevo Mundo,TNM). Reʼ rubʼihnaal i Dios inkan wuquubʼ mil pech pan najtir tzʼihbʼ reh i Santo Laj Huuj. Kʼih inqʼorarik reh, xa reʼ laʼ wilik jenaj rubʼihnaal eh reʼ wilih inkan kʼih pech. b
Kʼih inqʼorarik reh i Jehová
Pan Santo Laj Huuj inkan i rubʼihnaal i Dios atoobʼ ta kʼih inqʼorarik reh. Pan qajik naʼareqem juʼjun taqeh inqʼorarik reh eh chajariik iraaj ruqʼorom. Chakoj rehtaal taqeh runaʼojbʼal i Jehová.
Inqʼorarik reh |
Ahaʼ inkan pan Santo Laj Huuj |
Iraaj ruqʼorom |
|---|---|---|
Abʼaj |
Reʼ reh i koʼlbʼal iibʼ ruum chi reʼ reh i qajkoʼloom. |
|
Ajchaʼjaneel |
Iruchaʼjeej taqeh kiloqʼinik reh. |
|
Ajkoʼlineel |
Inkoʼlinik pan yohbʼaal, chuwach i kimik oon noq inkaaj kisacham qawach. Xuloqʼ i tinamit chuwach i mahk eh kimik. Reʼ wilih xubʼan noq reʼ Jesús xuyeew chi mayiij i rukʼachariik chi qiij (Juan 3:16). |
|
Ajkʼuhtaneel |
Isaías 30:20, 21, Traducción del Nuevo Mundo |
Iraaj ruqʼorom chi irukʼam qabʼeeh eh irukʼuhtaaj qeh, reh chi holohik i qakʼachariik (Isaías 48:17, 18). Pan Traducción del Nuevo Mundo inqʼorarik reh Manlik ajkʼuhtaneel. |
Ajtzʼaqal xun |
Wilik rajaawriik chi kinaah taqeh kʼachareel eh taqeh tinamit, jeʼ rukabʼ i ajtzʼaqal xun wilik rajaawriik chi naah i lechʼik laj akʼal (Romanos 9:20, 21). |
|
Ajtzʼuhkrisaneel |
Xutzʼuhkrisaj chuʼnchel i wilik (Apocalipsis 4:11). |
|
Alá |
(Maʼ inkan ta) |
Reʼ Alá jenaj qʼorik árabe. Maʼ reʼ ta jenaj bʼihnaal. Iraaj ruqʼorom «Dios». Pan juʼjun taqeh Santo Laj Huuj pan qʼorbʼal árabe eh pan juʼjun chik qʼorbʼal, reʼ Alá iraaj ruqʼorom Dios. |
Alfa eh Omega |
Apocalipsis 1:8; 21:6; 22:13, Reʼ Akʼ Kʼuhbʼaal |
Reʼ Alfa reʼ i peet letra reh i tzʼihbʼ griego eh reʼ omega reʼ rukuxiik. Iraaj ruqʼorom chi reʼ Jehová «i peet eh i rukuxiik» oon reʼ rutohqʼiik eh i rukuxiik, iraaj ruqʼorom chi maʼ jenoʼ dios wihʼinaq chaloq chi peet chuwach i reh eh maʼ na ta woʼ chik ruwihʼiik jenoʼ dios chi riij i reh (Isaías 43:10). |
Dios |
Ruyeʼariik ruloqʼil i xa chajariik eh jeʼ woʼ jenoʼ wilik rajaawriik. Reʼ qʼorik hebreo «Elohím» iraaj ruqʼorom loqʼil, rajaawriik eh runimaal wach i Jehová. |
|
Dios chi kinaah taqeh dios |
Chi reʼ reh i Dios xti nim rajaawriik chuwach taqeh i tzʼaqoj tyoox (Isaías 2:8). |
|
Loqʼ-laj Dios |
1 Timoteo 1:1, Reʼ Akʼ Kʼuhbʼaal |
Chi xa suqʼ woʼ rukʼux (Salmo 104:31). Ruum pan Traducción del Nuevo Mundo inqʼorarik reh «Dios reh i suqkiil kʼuxliis». |
Nim rajaawriik |
Maʼ ajwach ta xiik naah i rajaawriik jeʼ rukabʼ i reh. Reʼ qʼorik «El Schaddái» pan hebreo iraaj ruqʼorom «Dios xti nim rajaawriik». Inkan wuquubʼ pech pan Santo Laj Huuj. |
|
QaJaaw |
Reʼ reh inyeʼwik reh i kʼacharik. Reʼ inehchanik qeh, pan hebreo «Adhóhn eh Adhoním». |
|
QaJaaw wilik rajaawriik |
Génesis 15:2, Traducción del Nuevo Mundo |
Maʼxta jenoʼ wilik rajaawriik jeʼ rukabʼ i reh. Reʼ qʼorik pan hebreo «Adhonái». |
Reʼ hin reʼ woʼ hin |
Éxodo 3:14, Reʼ Loqʼ Laj Huuj |
Xa maʼ iruqʼor ta chi wilik i Dios. Reʼ qʼorik hebreo iruqʼor chi reʼ Dios irubʼan chi ne inkʼularik reʼ iraaj chi ne inkʼularik. Reʼ qʼorik wilih iraaj woʼ ruqʼorom «Reʼ hin ne nubʼan chi ne inkʼularik chajariik inwaaj» oon «Reʼ hin ne inubʼan chi ne inooj eloq wach xa chajariik inwaaj» (Traducción del Nuevo Mundo). Reʼ wilih qojrutobʼeej runabʼjiik chajariik iraaj ruqʼorom i rubʼihnaal i Dios, Jehová (Éxodo 3:15). |
Reʼ inbʼirinik reh chuʼnchel taqeh tiij |
Irubʼiraj taqeh tiij reʼ inkibʼan taqeh kʼachareel ruukʼ chuʼnchel kikʼux. |
|
Reʼ i xa wilik woʼ cho najtir qʼiij |
Daniel 7:9, 13, 22, Traducción del Nuevo Mundo |
Maʼ xwihʼik ta rutohqʼiik, xa wilik woʼ cho najtir noq maʼxta naq i wilik (Salmo 90:2). |
Reʼ Jehová, reʼ irukʼam rubʼeeh taqeh ángel |
Isaías 1:9, Romanos 9:29, Traducción del Nuevo Mundo |
Chi reʼ reh irukʼam kibʼeeh i kʼihaal chi ángel wilkeebʼ pan taxaaj. |
Reey inehchanik reh i juneliik kʼacharik |
Chi reʼ reh qʼeʼ nim rajaawriik eh juneliik naruwihʼiik rajaawriik. |
|
Santohimaj |
Reʼ reh xti wilik ruSantohiil (saq wach eh maʼxta rumahk). Maʼ jeʼ ta rukabʼ taqeh kʼachareel. |
|
Xiik naah nimaal wach |
Daniel 7:18, 27; Traducción del Nuevo Mundo |
Nim rajaawriik chi naah chuʼnchel i wilik. |
Xiik naah nimaal wach i rajaawriik |
Salmo 47:2, Traducción del Nuevo Mundo |
Reʼ reh i wilik rajaawriik chi taqʼanik. |
Reʼ taqeh yeʼaabʼ ahaʼ wiiʼ inkan reʼ xqʼorarik reh i Jehová pan tzʼihbʼ hebreo
Reʼ taqeh juʼjun chi yeʼaabʼ inkan pan Santo Laj Huuj inkikʼam i rubʼihnaal i Dios. Xa reʼ laʼ reʼ taqeh yeʼaabʼ wilih maʼ reʼ ta jenaj chik rubʼihnaal i Dios.
Reʼ rubʼihnaal i yeʼaabʼ |
Ahaʼ inkan pan Santo Laj Huuj |
Iraaj ruqʼorom |
|---|---|---|
Jehová-nisí |
Éxodo 17:15; Reina-Valera |
Reʼ Jehová inkoʼlinik qeh ruukʼ i rehtalil i rajaawriik oon reʼ Jehová irukʼuhtaaj qeh i bʼeeh. Reʼ Jehová jenaj Dios irukoʼleej i rutinamiit reʼ insikʼwik reh i rutoʼbʼaal (Éxodo 17:13-16). |
Jehová-salom |
Jueces 6:23, 24; Reina-Valera |
Reʼ Jehová ajtuqkilal. |
Jehová-sama |
Ezequiel 48:35, Reina-Valera |
Reʼ Jehová wilik ayuʼ. |
Jehová-yiré |
Génesis 22:13, 14; Traducción del Nuevo Mundo |
Reʼ Jehová iruyeew chaloq i aajwaal wach. |
Chaaj woʼ reet ko ruman runabʼjiik eh ruqʼorariik i rubʼihnaal i Dios
Reʼ Dios ko ruman chi reh i rubʼihnaal, Jehová, ruum chi kʼih pech xukoj pan Santo Laj Huuj (Malaquías 1:11).
Reʼ Rakʼuun i Dios, Jesucristo, xukʼuhtaaj chi ko ruman i rubʼihnaal i Dios ruum chi kʼih pech xukoj, Jeʼ rukabʼ noq irubʼan naq rutiij reh i Jehová, iruqʼor naq: «Loqʼimaj ta naq abʼihnaal» (Mateo 6:9; Juan 17:6).
Ajwach inkitijej eh inkitoqʼaaʼ ruqʼorariik i rubʼihnaal i Dios, inkitoqʼaaʼ kinabʼeem wach i Jehová eh inkikowej i kamigohiil ruukʼ (Salmo 9:10; Malaquías 3:16). Reʼ amigohiil wilih irubʼan chi ne inkikʼul i rukuxisaniik i Jehová chi riij i rubʼesaj. «Reʼ QaJaaw Dios jeʼ wili ruqʼor: Ruum chi qʼeʼ kirukʼax naa nukoʼleem chikiwach taqe reʼ. Eh naa nuyeʼem runimaal wach ruum rehtʼal chi reʼ hin i Dios» (Salmo 91:14).
Reʼ Santo Laj Huuj iruqʼor: «Wilik i kikojariik chi dios chi jeʼ pan taxaaj chi jeʼ wach akʼal wilkeebʼ, (reʼ taqe junchʼuq kʼih inkikoj chi ki dios, inkikoj chi kajaaw)» (1 Corintios 8:5, 6). Xa reʼ laʼ, ruukʼ i bʼihnaal Jehová, inabʼjik chi korik ajwach i manlik Dios (Salmo 83:18, Traducción del Nuevo Mundo).
a Reʼ inkitzʼir riij i qʼorbʼal hebreo inkaaj kiqʼorom reh «Yahweh» oon «Yahvé».
b Noq maʼ inkaaj ta kiqʼorom Jehová, inkiqʼor Jah. Reʼ wilih inkan cincuenta pech pan Santo Laj Huuj. Jeʼ rukabʼ noq inkan pan qʼorik Aleluya, reʼ iraaj ruqʼorom «Chayeew taq ruloqʼil i Jah» (Apocalipsis 19:1, Reina-Valera).
Puede que también le interese
TAQEH PAHQANIK CHI RIIJ I SANTO LAJ HUUJ
¿Ajwach i Jehová?
¿Dios na reh xa jenaj tinamit jeʼ rukabʼ taqeh israelita?
ESSENTIAL BIBLE TEACHINGS
¿Wilik na rub’ihnaal i Dios?
Re’ Dios inq’orarik reh Jaaw, Nim Rajaawriik eh ajtz’uhkrisaneel. Xa re’ la’, re’ rub’ihnaal inkan wuquub’ mil pech pan Santo Laj Huuj.
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.