Jenaj kʼijool Will i rubʼihnaal iruqʼor: «Mareh inakapaaj chi qʼuhteel rilariik pam i Santo Laj Huuj xa reʼ laʼ qʼuhteel rilariik mi maʼ awehtʼal nikʼwach rubʼan».

 ¿Mi inawaaj anabʼeem nikʼwach ne inareq rusuqkiil rilariik pam i Santo Laj Huuj? Reʼ i naʼojbʼal wilih ne tirutobʼeej.

•  Chakʼachareej inawil pan Santo Laj Huuj

•  Chatzʼir riij

•  Reʼ inkiqʼor juʼjun taqeh i kʼijool

 Ne irubʼan chi ne inabʼan i wilih:

1.   Chasikʼ jenoʼ ehtalil inawaaj awilom. Mareh jenaj ehtalil chi riij xkʼuljik cho, jenoʼ huuj inqʼorik chi riij i Jesús oon rubʼirjiik i Santo Laj Huuj pan audio reʼ inkan pan jw.org.

2.   Chawil wach i ehtalil. Ne irubʼan chi ne inawil wach xa awutkeel oon ne inawil kuukʼ taqeh awamigo oon ruukʼ afamilia. Jenaj ne irilow wach eh reʼ taqeh i tokoom ne inkibʼan chi jeʼ incho reʼ keh taqeh i kʼachareel wilkeebʼ pan Santo Laj Huuj.

3.   Chabʼan i wilih:

   •   Chabʼan taqeh i ehtalil irukʼuhtaaj ahaʼ xkʼularik eh chajariik xkʼuljik. Eh chatzʼihbʼaaj jenoʼ qʼorik chi cheel taqeh i ehtalil.

   •   Noq ne inawil chi riij jenoʼ kʼachareel korik wach rukʼux chatzʼihbʼaaj i xubʼan, i runaʼojbʼal eh taqeh i kooch xukʼul.

   •   Chabʼan chi kʼahchiʼ aqʼorom rubʼiral i kʼahchiʼ awilom wach eh chapahqaaj keh i juʼjun jariik inkikapaaj chi riij i wilih.

   •   Mi jenoʼ kʼachareel re’ kʼahchiʼ awilom chi riij, xubʼan i maʼ holohik ta chakapaaj nikʼwach naq ne inooj kuxoq mi maʼ xubʼan i wilih. Jenaj ehtalil: chakapaaj chi riij i xubʼan i Pedro. Reʼ reh xuqʼor chi maʼ rehtʼal ta naq wach i Jesús (Marcos 14:66-72). ¿Chajariik naq xubʼan i Pedro chuwach i pajarik?

   •   Mi inawaaj, chakapaaj chi xa je’ incho wilkaat ar. Chamin awiib’ chupaam i k’ahchi’ awilom chi riij i ehtalil reh i Santo laj huuj eh chatzʼihbʼaaj jenaj akʼ ehtalil. Chi riij i re’, chakoj ar i kʼahchiʼ atijem chi riij i ehtalil (Romanos 15:4).

 Mi inatzʼir riij chi korik jenoʼ ehtalil pan Santo Laj Huuj ne inareq kʼih i holohik laj naʼojbʼal. Wilik pech jenoʼ oon kiʼibʼ chi qʼorik inkiqʼor jenoʼ naʼojbʼal xti aajwaal wach.

 Jenaj ehtalil: chawil Mateo 28:7 eh Marcos 16:7.

•    ¿Chaaj woʼ reet xuqʼor i Marcos chi reʼ i Pedro ruchʼihiil taqeh i rajtajqaneel i Jesús na naq kilom wach?

•  Reh runabʼjiik i wilih: Reʼ Marcos maʼxta naq ar. Mareh reʼ Pedro xqʼorik reh.

•  Reʼ holohik laj naʼojbʼal inqareq chupaam: ¿Chaaj reet xuyeew rutuqkilaal i Pedro runabʼjiik chi reʼ i Jesús iraaj naq rilom wach? (Marcos 14:66-72). ¿Nikʼwach xukʼuhtaaj i Jesús reh i Pedro chi reʼ reh jenaj manlik amigo? ¿Nikʼwach ne inabʼan aweh jeʼ rukabʼ xubʼan i Jesús reh chi hat jenaj manlik amigo?

 Noq inakapaaj chi wilkaat chupaam i kʼahchiʼ awilom wach eh inatzʼir riij chi korik ne nasuqkileej rilariik pam i Santo Laj Huuj.