¡NAʼLIK OQ AWACH!
Reʼ taqeh ajtaqʼaneel kiqʼorik chi riij i kʼaxkilal narukʼamam cho i Armagedón—¿Chajariik iruqʼor i Santo LajHuuj?
Pan wahqʼeq reh i lunes, 10 reh octubre reh 2022, reʼ tinamit Rusia xukut kʼih taqeh bomba chupaam juʼjun taqeh tinamit ar Ucrania. Reʼ wilih xkʼularik ruum chi kiʼibʼ qʼiij naq chik ikʼinaq chi xkikʼer jenaj puente reh Crimea imponik naq ar Rusia. Maʼ najt ta xikʼik chi reʼ taqeh ajtaqʼaneel xiqʼorik chi riij i kʼaxkilal irukʼam cho i Armagedón.
«Pan ruqʼijil i Kennedy [jenaj xwihʼik chi ajtaqʼaneel ar Estados Unidos] eh reʼ kʼaxkilal i xukʼam cho taqeh bomba xikʼer ar Cuba, irukʼuhtaaj qeh chi maʼ najt ta wilik i Armagedón. [...] Inukapaaj chi reʼ rukojariik taqeh i nimaq taq bomba narukʼamam cho i Armagedón» (Joe Biden, ajtaqʼaneel ar Estados Unidos, 6 reh octubre reh 2022).
«Reʼ hin inuqʼor chi reʼ wilih reʼ Armagedón; reʼ wilih jenaj kʼaxkilal reh i wach akʼal» (reʼ wilih xuqʼor i Volodímir Zelenski —ajtaqʼaneel ar Ucrania— noq xpahqaljik reh chajariik i kʼaxkilal irukʼam cho rukojariik taqeh nimaq taq bomba; BBC News, 8 reh octubre reh 2022).
¿Mi reʼ rukojariik taqeh i nimaq taq bomba narukʼamam cho i Armagedón? ¿Chajariik iruqʼor i Santo Laj Huuj?
¿Mi ruum rukojariik taqeh i nimaq taq bomba narutikʼaam i Armagedón?
Maʼ chih taj. Reʼ qʼorik «Armagedón» xa jenaj pech inkan pan Santo Laj Huuj, pan Apocalipsis 16:16. Reʼ wilih maʼ reʼ ta jenaj qʼaqʼinik keh taqeh tinamit, jenaj laʼ qʼaqʼinik reh i Dios kuukʼ «taqe reey wilkeebʼ sut i wach akʼal» (Apocalipsis 16:14). Reʼ Dios narukojom i Armagedón reh rusachariik kiwach taqeh ajtaqʼaneel ayuʼ wach akʼal (Daniel 2:44).
Reh chi ne inatijej ruman chi riij chajariik narukʼulariik ruukʼ i wach akʼal pan Armagedón, chawil wach i naʼojbʼal «¿Qué es el Armagedón?»
¿Ne na insacharik wach i wach akʼal ruchʼihil taqeh tinamit ruum jenaj qʼaqʼinik ruukʼ taqeh nimaq taq bomba?
Maʼ chih taj. Mareh chupaam taqeh qʼiij chalik reh reʼ taqeh ajtaqʼaneel ne inkikoj taqeh bomba, xa reʼ laʼ reʼ Dios maʼ na ta ruyeʼem qʼabʼ chi ne insacharik wach i wach akʼal. Reʼ Santo Laj Huuj iruqʼor:
«Reʼ wach akʼal xamaʼ njaljik ta woʼ wach» (Eclesiastés 1:4).
«Reʼ taqeh korik wach kikʼux nakehchaam i wach akʼal eh ar nakikʼachariik chi juneliik» (Salmo 37:29).
Xa reʼ laʼ, reʼ i ruqʼorom cho rubʼiral i Santo Laj Huuj eh reʼ kʼahchiʼ rukʼulariik yuʼnaak irukʼuhtaaj chi wilkooj pan rukuxiik taqeh qʼiij (Mateo 24:3-7; 2 Timoteo 3:1-5). Chawil chajariik iruqʼor i Santo Laj Huuj chi riij taqeh qʼiij chalik reh ruukʼ i tijinik chi riij i Santo Laj Huuj inqayeew chi siih.
Puede que también le interese
TAQEH PAHQANIK CHI RIIJ I SANTO LAJ HUUJ
¿Narusachariik na wach i akʼal?
Mareh ne irusach akʼux reʼ iruqʼor i Santo Laj Huuj.
ESSENTIAL BIBLE TEACHINGS
¿Chaj wo’ reet i Dios xutz’uhkrisaj i ak’al?
Re’ wach ak’al q’e’ holohik. Pajooj chi manlik nik’ najtil naruwih’ik ruuk’ i q’iij eh nik’ kowiil narub’anam eh kojarik pan ruye’aab’. ¿Chaj wo’ reet xukoj ruk’ux i Dios noq xutz’uhkrisaj i holohik laj ak’al wilih?
CHI QIIJ I HOJ
Chapahqaaj chi ne kiponik awuukʼ taqeh testigo reh Jehová
Chanabʼeej chajarik iruqʼor i Santo Laj Huuj eh jeʼ woʼ chi kiij taqeh testigo reh Jehová.
