Chi jun suut i akʼal, kʼih taqeh tinamit maʼ wilkeebʼ ta pan jenaj wach kʼuxliis ruum i política. Noq pan 2022 reʼ molaabʼ Pew Research Center xutzʼir riij i wilih, xuqʼor chi reʼ «65% keh taqeh kʼachareel i wilkeebʼ pan 19 chi tinamit xkiqʼor chi maʼ inkikʼam ta kiibʼ chi korik eh chi wilik kʼaxkilal ruum chi maʼ jenaj ta wach i taqʼaneel inkitahqeej».

 Ahaʼ wiiʼ tipatinik i hat, ¿Mi kichʼaqam kiibʼ taqeh kʼachareel ruum i política? ¿Chaaj woʼ reet inkʼularik i wilih? ¿Mi ne ta woʼ inkorjik wach i wilih? Chawil iruqʼor i Santo Laj Huuj.

 Reʼ Santo Laj Huuj ruqʼorom naq chik chi pan qaqʼijil pan «rukuxiik taqeh qʼiij» kʼih taqeh kʼachareel kʼaxik chi keh i wihʼik pan jenaj wach kʼuxliis.

•   «Pan rukuxiik taqeh qʼiij reʼ kʼacharik qʼeʼ kʼaxik eh yohbʼaal. Ruum chi reʼ taqeh kʼachareel xa reʼ keh nakikʼaxam kiibʼ, […] noq ne kiqʼorik xa maʼxta ne kikahnik wiiʼ» (2 Timoteo 3:1-3, TNM).

 Reʼ taqeh winaq kitaqʼanik maʼ kiʼelik ta korik atoobʼ ta reʼ taqeh kʼachareel kow kikamanik reh rureqariik i wilih. Ruum chi maʼ jenaj ta wach inkikapaaj kʼaxik chi keh kamanik pan jenaj wach kʼuxliis reh rukorsjiik taqeh kʼaxkilal. Chuʼnchel i kʼahchiʼ rukʼulariik ruqʼorom naq chik i Santo Laj Huuj.

•   «Wilik taqe i wilik kajaawriik xa reʼ laʼ inkikoj chi jotʼbʼal keh i kas kichaaqʼ» (Eclesiastés 8:9).

 Xa reʼ laʼ, reʼ Santo Laj Huuj iruqʼor nikʼwach narukorjiik chuʼnchel i wilih, wilik jenaj taqʼaneel narisam chuʼnchel i kʼaxkilal irubʼan tiʼ keh taqeh kʼachareel.

 Reʼ Santo Laj Huuj inqʼorik chi riij jenaj ajtaqʼaneel wilik rajaawriik reh rusachariik wach taqeh kʼaxkilal. Reʼ taqʼaneel wilih reʼ Jesús. Reʼ reh wilik rajaawriik eh iraaj chi reʼ taqeh kʼachareel ne kiwihʼik pan tuqkilal eh pan jenaj wach kʼuxliis.

•   «Chiwach taqeh riqʼijil ixmakʼinoq ta i korik wach kʼuxliis, wihʼoq ta rinimaal tuqkilal chi jeʼ nikʼ najtiil nariwihʼiik i poh» (Salmo 72:7, RLLH).

•   «Chuʼnchel taqeh tinamit kikamanoq chiwach» (Salmo 72:11, RLLH).

 Reʼ Jesús jenaj manlik ajtaqʼaneel ruum chi iruyeew rukʼux chi kiij taqeh kʼachareel eh iraaj rutobʼeem taqeh inkikʼul i maʼ korik ta wach bʼanooj.

•   «Reʼ reh naa rukoʼliniik reh i tiʼ wilik reʼ i rupahqaaj chi naa rutoobʼjiik. Eh jeʼ woʼ hoq i maʼ xta wilik reh, maʼ awach ta ntoobʼinik reh. Reʼ reh naa ruketelaam kiwach i xamaʼ nimaq ta kiwach. Eh naa rukoʼleem riij i kikʼachariik i tiʼ wilkeebʼ. Naa woʼ rukoʼleem taqe chuwach i yiibʼ wach minooj taqe wiiʼ. Eh jeʼ woʼ chuwach taqe i tiʼ kʼaxik» (Salmo 72:12-14).

 Chanabʼeej kʼisinoq chik chi riij i taqʼanik reʼ wilik pan taxaaj, reʼ runimaal runimaal rajaawriik i Dios eh chawil nikʼwach ne tirutobʼeej i taqʼanik wilih eh nikʼwach ne nayeew akʼux chi riij.

•   Chawil i video ¿Chajariik i runimaal rajaawriik Dios?

•   Chawil wach i naʼojbʼal «El Reino de Dios: un gobierno sin corrupción».