¡NAʼLIK OQ AWACH!
Waqiibʼ millón xikimik ruum i COVID—¿Chajariik iruqʼor i Santo Laj Huuj chi riij i wilih?
Noq xtohqʼik eh ko yuʼnaak 23 reh mayo reh 2022, reʼ Organización Mundial de la Salud (WHO) xuqʼor chi 6,270,000 chi kʼachareel xikimik ruum i COVID-19. Xa reʼ laʼ pan 5 reh mayo reh 2022, reʼ (WHO) xrajlaaj chi reʼ taqeh kamnaq xikihbʼik. Xkikoj rehtʼal chi pan 2020 eh 2021, reʼ xikimik ruum i COVID-19 mareh xponik 14,900,000. ¿Inqʼorik naak i Santo Laj Huuj chi riij i kʼaxkilal wilih?
Reʼ Santo Laj Huuj xuqʼor chi naruwihʼiik taqeh kaq yabʼilaal
Reʼ Jesús xuqʼor rubʼiral chi naruwihʼiik «maʼ kʼisa yabʼilaal» chupaam taqeh qʼiij reʼreʼ inqʼorarik reh «pan rukuxiik taqeh qʼiij» (Lucas 21:11; 2 Timoteo 3:1, TNM).
JReʼ xuqʼor cho rubʼiral i Jesús kʼahchiʼ rojiik eloq wach yuʼnaak. Mi nawaaj anabʼeem kʼisinoq chik chi riij, chawil wach i naʼojbʼal pan Internet «¿Cuál es la señal de ‹los últimos días› o ‹los tiempos finales›?».
Reʼ Santo Laj Huuj iruyeew rukowiil qakʼux
Reʼ Dios «reʼ reh i Ajaabʼees i keteloom wachiis aj kʼaxool […] Reʼ woʼ reh inyeʼwik rusuqkiil qakʼux chupaam chuʼnchel i tiʼ kʼaxik inqakʼul» (2 Corintios 1:3, 4).
Kʼih taqeh kʼachareel xkiqʼebʼ jenoʼ kikomoon pan kimik eh xkireq rukowiil kikʼux pan Santo Laj Huuj. Mi nawaaj anabʼeem kʼisinoq chik chi riij, chawil wach taqeh huuj «Cómo sobrellevar el duelo: Sugerencias prácticas» eh «La mejor ayuda para quienes están de duelo».
Reʼ Santo Laj Huuj iruqʼor nikʼwach narusachariik wach taqeh wilih
«Chayeew chaloq i runimaal awajaawriik. Eh nee ta naq imbʼaan ayuʼ wach akʼal inawaaj i hat jeʼ rukabʼ imbʼaan ar pan taxaaj» (Mateo 6:10).
Maʼ najt ta chik iraaj chi «reʼ runimaal rajaawriik i Dios» narubʼanam chi ne inooj eloq wach i ruqʼorom cho rubʼiral chi «Maʼ jenoʼ kʼachareel naruqʼorom: ‹Hin yowaabʼ›» (Marcos 1:14, 15; Isaías 33:24 TNM). Chawil i video ¿Chajarik i runimaal Rajawriik i Dios? reh chi ne nanabʼeej chajariik i taqʼanik wilih eh chajariik narubʼanam.
Inqaaj chi ne natijej kʼisinoq chik chi riij i Santo Laj Huuj reh chi reʼ hat eh afamilia ne tirutobʼeej taq ruukʼ i uyʼinik eh i naʼojbʼal inreqarik chupaam.