¡NAʼLIK OQ AWACH!
Injohtik tzʼaaq chuʼnchel—¿Chajariik iruqʼor i Santo Laj Huuj chi riij i wilih?
Pan Junio reh 2022 reʼ ajkʼamal bʼeeh reh i Banco Mundial xuqʼor: «Chi jun suut i nah akʼal xjohtik tzʼaaq chuʼnchel, eh reʼ wilih qojruyeew pan kʼaxkilal chi qunchelaal. Yuʼnaak chuʼnchel kʼih tzʼaaq eh reʼ tumiin maʼ inkʼihik ta wach».
Reʼ Fondo Monetario Internacional inkiqʼor: «Reʼ gasolina eh reʼ taqeh kʼuxbʼal xa reʼyuʼ xjohtik tzʼaaq eh reʼ wilih qʼeʼ kʼaxik keh taqeh tinamit ahaʼ wiiʼ maʼxta tumiin».
Reʼ Santo Laj Huuj qojrutobʼeej chi rureqariik chi riij chaaj woʼ reet kʼahchiʼ qikʼik chupaam taqeh kʼaxkilal wilih, nikʼwach ne inqakuy eh irukʼuhtaaj qeh nikʼwach narusachariik wach.
Injohtik tzʼaaq chuʼnchel «pantzʼapaabʼ […] wach ree qʼiij»
Reʼ Santo Laj Huuj iruqʼor chi kʼacharik inqabʼan «pantzʼapaabʼ […] wach ree qʼiij» (2 Timoteo 3:1).
Reʼ Jesús xuqʼor chi chupaam i qaqʼijil kʼih i xa chibih jariik na naq kikʼuhtaam cho kiibʼ eh reʼ taqeh kʼachareel na naq kiyoʼjik ruum i wilih (Lucas 21:11). Noq inkʼihbʼik tzʼaaq chuʼnchel, reʼ taqeh kʼachareel kiyoʼjik ruum chi maʼ kehtʼal ta chajariik inkʼulik eloq chi kiwach eh mi ne inkibʼan rilariik i kifamilia.
Pan Apocalipsis xqʼorarik chi chupaam i qaqʼijil chuʼnchel na naq rukʼihbʼiik tzʼaaq. «Eh xb’iraj i q’orik xb’aan […]: Xa ki’ib’ libra chi trigo i naa ruye’ariik chi riij i jinaj q’iij chi kamanik. Eh waqiib’ libra chi sebada i naa ruye’ariik chi riij i jinaj q’iij chi kamanik» (Apocalipsis 6:6).
Reh chi ne inanabʼeej chi riij i «pantzʼapaabʼ […] wach ree qʼiij» eh reʼ qʼorooj cho rubʼiral pan Apocalipsis, chawil i video En 1914 el mundo cambió de rumbo eh chawil wach i huuj «¿Qué representan los jinetes del Apocalipsis?».
Maʼ na ta chik ruwihʼiik i kʼaxkilal ruukʼ tumiin
«Re’ taqe aatinamiit noq naa kiyejaam kipaat re’ wo’ keh naakipatiniik ar. Eh re’ chik i keh naa kib’aniik rusuqkiil i wach i ki uva. Re’ taqe aatinamiit noq naa kiyejaam kipaat re’ wo’ keh naakipatiniik ar. Eh re’ chik i keh naa kib’aniik rusuqkiil i wach i ki uva. Eh ma’ tokoom ta chik i naa rupatiniik pankipaat. Re’ i kitik ma’ tokoom ta chik naa rub’aniik rusuqkiil» (Isaías 65:21, 22).
«Naruwachiniik chu’nchel taqeh tik nah ak’al, eh xik’ naah k’ihaal taqeh tik naruwih’iik naah taq yuuq’. Re’ taqeh rusuqtaaj i reey naruk’ihiik je’ rukab’ pan ye’aab’ Líbano eh pan taq tinamit, re’ taqeh k’achareel nakik’ihb’iik je’ rukab’ i ch’ahn chi naah i wach ak’al» (Salmo 72:16, TNM).
«Re’ QaJaaw Dios [Jehová] je’ wili xuq’or: Re’ taqe ma’ xta rukowiil kik’ux k’ahchi’ kik’teesjiik chi ti’ k’axik. Re’ taqe i k’axik wilkeeb’ inkik’er kichii’ chi oq’ik ruum aj re’, re’ hin naa nutob’eem taqe je’ rukab’ i ruk’ul chi keh, inki» (Salmo 12:5). a
Naruponiik i qʼiij chi reʼ Dios narusacham wach chuʼnchel taqeh kʼaxkilal ruum tumiin eh narubʼanam i wilih chi jun suut i nah akʼal. Reh chi ne inanabʼeej nikʼwach narubʼanam, chawil wach i naʼojbʼal pan jw.org «¿Es realista esperar un sistema económico justo?».
Chupaam taqeh qʼiij chalik reh, reʼ Dios narukorsam wach chuʼnchel i wilih, xa reʼ laʼ yuʼnaak reʼ Santo Laj Huuj ne tirutobʼeej chi ikʼik chupaam taqeh kʼaxkilal wilih. ¿Nikʼwach ne tirutobʼeej? Ne ruyeew anaʼojbʼal reh chi ne inakoj chi korik i tumiin (Proverbios 23:4, 5; Eclesiastés 7:12). Reh chi ne inareq ruman, chawil taqeh naʼojbʼal pan jw.org «Cuide su economía» eh «Cómo vivir con menos».
a Reʼ rubʼihnaal i Dios Jehová (Salmo 83:18, TNM).