•   «Kʼisiin maʼ yeʼjaal keh taqeh kʼachareel ar Estados Unidos inkikʼraaj kiibʼ chi kutkeel. Eh reʼ taqeh xti inkikʼraaj i wilih, reʼ taqeh kʼijool»​ (Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community, [Informe reh inilwik reh i salud ar Estados Unidos chi riij tzʼirkiil wachiis eh ikʼranik iibʼ chi kutkeel], 2023).

•   «[Reʼ Organización Mundial de la Salud] xuqʼor chi naruwihʼiik jenaj Comité reh chi maʼ ne ta inkikʼraaj kiibʼ chi kutkeel taqeh kʼachareel. Reʼ ikʼranik iibʼ chi kutkeel ne irubʼan chi ne iruyowabʼisaj taqeh kʼachareel. Reʼ Comité wilih narukamaniik reh chi reʼ taqeh kʼachareel maʼ ne ta inkikʼraaj kiibʼ chi kutkeel atoobʼ ta kipatinik taqeh pan taq tinamit bʼehoom oon nebʼaaʼ»​ (Organización Mundial de la Salud, 15 reh noviembre reh 2023.

 Reʼ Santo Laj Huuj qojrutobʼeej reh chi suq qakʼux kuukʼ taqeh kʼachareel.

 Chakanaaʼ i chibʼih jarik irubʼan chi awutkeel wilkaat. Chupaam taqeh i xa chibʼih jarik wilih, wilik i rukojariik i redes sociales chi maʼ pajooj ta i qʼiij. Ruum ajreʼ chasikʼ aqʼiij reh wihʼik kuukʼ taqeh kʼachareel eh chasikʼ korik laj amigo.

•   Naʼojbʼal reʼ inatijej pan Santo Laj Huuj: «Reʼ jinoʼq amígo juneliik nee qohrutoobʼeej noq tiʼ qakʼux. Inkamanik qeh chi jeʼ qas, oon qachaaqʼ»​ (Proverbios 17:17).

 Chasikʼ nikʼwach kitobʼjiik taqeh tokoom. Noq inqabʼan atobʼil keh i jenoʼ irubʼan chi ne inqakʼam qiibʼ chi korik eh irubʼan woʼ chi suq wilkooj.

•   Naʼojbʼal reʼ inatijej pan Santo Laj Huuj: «Xiikʼ naah rusuqkiil qakʼux noq inqabʼan i yeʼooj chuwach i rukʼulariik»​ (Hechos 20:35.TNM).

 Okeen pan qayeʼaabʼ reh Internet reh rureqariik ruman anaʼojbʼal reh i Santo Laj Huuj reh chi ne inwihʼik korik laj awamigo.