Pan julio reh 2022, pan ju’jun taqeh ye’aab’ chi jun suut i ak’al xkireq i rutz’a’iil i q’iij:

•   «Re’ tinamit China iruq’or rukab’ pech chi re’ i rutz’a’iil i q’iij xuyeew kik’axkilaal k’isiin ma’ 70 chi tinamit» (25 reh julio reh 2022, CNN Wire Service).

•   «Yohb’aal wach i elel q’aaq’ ruum i rutz’a’iil i q’iij ar Europa» (17 reh julio reh 2022, The Guardian).

•   «Pan q’iij domingo, k’isiin ma’ chu’nchel i tinamit Estados Unidos xkik’raaj i rutz’a’iil i q’iij» (24 reh julio reh 2022, The New York Times).

 ¿Chajariik iraaj ruq’orom chu’nchel i wilih? ¿Mi narusachariik wach i wach ak’al? ¿Chajariik iruq’or i Santo Laj Huuj?

 Hoo’. Re’ i rutz’a’iil i q’iij jenaj k’axkilal i ruq’orom i Santo Laj Huuj chi narilariik chupaam i qaq’ijil. Jenaj ehtalil, re’ Jesús xuq’or chi «ma’ k’isiin i xa chib’ih jariik inaakik’uhtaam cho kiib’ ti yo’joq kuum, ma’ k’isiin i ehtalil naa ruk’utiniik pan taxaaj» (Lucas 21:11). Re’ i rutz’a’iil i q’iij k’ahchi’ rub’anam chi re’ taqeh k’achareel ne inkikapaaj chi re’ i winaq k’ahchi’ ruyojom i wach ak’al.

 Ma’chih taj. Re’ Dios xutz’uhkrisaj i wach ak’al reh chi re’ taqeh k’achareel ne kipatiniik ar chi junelik (Salmo 115:16; Eclesiastés 1:4). Re’ Dios ma’ na ta rukanaam chi ne inkiyoj i wach ak’al, na la’ ruye’em «panti’ k’axik i xib’anik cho ti’ k’axik» reh i «wach ak’al», je’ rukab’ ruq’orom cho (Revelación 11:18).

 Chakapaaj chi riij i ki’ib’ q’orooj cho rub’iral wilih:

•   «Re’ i xkahnik chi chiq yuuq’ naa wo’ chik rusuuqb’iik ruk’ux. Re’ chiq ak’al naa chik reliik i uhtz’ub’ chuwach» (Isaías 35:1). Re’ Dios maʼ jaruuj narukanaam chi re’ wach ak’al ne inkahnik chi chiq yuuq’, na la’ rukorsam wach i xyojib’ik chik.

•   «Re’ wo’ hat tik’uxlanik reh i wach ak’al, i nayeew i jab’ chinaah» (Salmo 65:9). Ruuk’ i rukuxisaniik i Dios, re’ wach ak’al narukorjiik chi xa holohik chik.

 Mi inawaaj anab’eem ruman chi riij i rutz’a’iil i q’iij, chawil wach i na’ojb’al «¿Qué dice la Biblia sobre el cambio climático y nuestro futuro?».

 Reh chi ne inatijej chi riij jenaj ye’aab’ i korsamaj chik wach, chawil i na’ojb’al «¿Quién salvará el planeta?».