Pan haabʼ 2023, xkʼutinik chi wihʼik chi kutkeel jenaj kʼaxkilal i xʼilarik jun suut i wach akʼal. ¿Nikʼwach ne qojʼelik korik chuwach i wilih?

•   Reʼ doctor Vivek Murthy, reʼ inilwik reh taqeh yabʼilaal ar Estados Unidos, iruqʼor: «Reʼ wihʼik chi qutkeel jeʼ jenaj yabʼilaal i qojruyeew pan kʼaxkilal eh irubʼan chi maʼ suq ta qakʼux. Wilik pan qaqʼabʼ rukorsjiik i wilih. ¿Nikʼwach? Rajlal qʼiij naqakowem i qamigohiil kuukʼ i tokoom» a

 Wilik pech qojwihʼik chi qutkeel maʼ xa ruum ta chi maʼ inqaaj ta wihʼik kuukʼ i tokoom. Juʼjun inkikʼraaj kiibʼ chi kutkeel atoobʼ ta kiwihʼik ruukʼ kʼih taqeh kʼachareel. Maʼxta iruqʼor chaaj woʼ reet inqikʼraaj qiibʼ chi qutkeel, reʼ Santo Laj Huuj ne qojrutobʼeej. Chupaam wilik taqeh naʼojbʼal ne qojkitobʼeej reh chi ne inqakowej i qamigohiil kuukʼ i tokoom, eh chi jeʼreʼ maʼ ne ta chik inqikʼraaj qiibʼ chi qutkeel.

 Tiqʼoroq kuukʼ taqeh tokoom. Reʼ wilih iraaj ruqʼorom chi naʼaqʼorom inawikʼraaj, xa reʼ laʼ, na woʼ abʼiram taqeh tokoom. Mi inakapaaj taqeh tokoom, ne inkowjik awamigohiil kuukʼ.

•   Naʼojbʼal reh i Santo Laj Huuj: «Moʼ-oq awach taq aweh ineerusikʼ kʼaxbʼal riibʼ xa reh chi rutkeel, koruman laʼ woʼ hoq chi neerusikʼ i kʼaxbʼal keh i tokoom» (Filipenses 2:4).

 Chasikʼ taqeh awamigo. Wihʼoq taqeh awamigo reh reh wach i kihabʼul, reh reh wach kikaʼyik eh reh reh wach kitinamitaal.

•   Naʼojbʼal reh i Santo Laj Huuj: «Chateh woʼ taq akʼux chi junpech» (2 Corintios 6:13).

 Reh runabʼjiik nikʼwach ne inakowej awamigohiil kuukʼ taqeh tokoom, chawil i naʼojbʼal «Cómo saciar la sed de amistad».