¡NAʼLIK OQ QAWACH!
¿Mi naruponiik i qʼiij chi maʼ ajwach ta tokoom rilariik narubʼaan?—¿Chajariik iruqʼor i Santo Laj Huuj?
Kʼih taqeh kʼachareel inkikapaaj chi maʼ na ta ruponiik i qʼiij chi chuʼnchel ne inkil kiibʼ chi xa jenaj kiwach.
«Kʼih taqeh molaabʼ tokoom rilariik inkibʼan taqeh i kʼachareel eh jeʼ woʼ re’ inkibʼan juʼjun i tinamit. Xa ahaʼ inilarik wach i wilih. Reʼ i wilih irubʼan chi reʼ taqeh tinamit maʼ ne ta kiwihʼik pan jenaj wach kʼuxliis (António Guterres, jenaj reh i kikʼamwikʼ bʼeeh pan molaabʼ Naciones Unidas).
¿Mi ne ta woʼ imponik i qʼiij chi reʼ taqeh kʼachareel maʼ ajwach ta tokoom rilariik ne inkibʼan? ¿Chajariik iruqʼor i Santo Laj Huuj?
Reʼ irukapaaj i Dios chi riij noq tokoom rilariik kiibʼ inkibʼan taqeh kʼachareel
Reʼ Santo Laj Huuj irukʼuhtaaj nikʼwach irilow i Dios taqeh kʼachareel reh reh kiwach.
«Reʼ reh xa jinaj chi winaq xutoqʼaaʼ cho rutzʼuhkrisam wiiʼ chuʼnchel i tinamit, reh chi naa kipatinik chinaah chuʼnchel i wach akʼal» (Hechos 17:26).
«Reʼ Dios maʼ awach taj i tokoom rilariik i rubʼan. Irukoj laʼ taqe chi rakʼuun rixqʼuun xa ahaʼ pantaq nimaq tinamit i kiyeʼwik ruloqʼil, eh inki aʼn i holohik laj naʼojbʼal imponik chuwach i reh» (Hechos 10:34, 35).
Reʼ Santo Laj Huuj irukʼuhtaaj chi xa ruukʼ woʼ jenaj chi familia xojchalik eh chi re’ Dios irukoj chi rakʼuun rixqʼuun taqeh kʼachareel xa ahaʼ pa’ kichalik.
Chajariik narubʼaan reh chi re taqeh kʼachareel xa jenaj wach ne inkilow kiibʼ
Reʼ runimaal Rajaawriik i Dios, reʼ inchalik pan taxaaj, narubʼanam chi reʼ taqeh kʼachareel xa jenaj chik wach ne inkilow kiibʼ. Reʼ ajaawriik wilih narukʼuhtaam keh taqeh kʼachareel chi maʼ ajwach ta tokoom rilariik ne inkibʼan. Reʼ taqeh kʼachareel nakitijem nikʼwach ne inkehsaj pan kánima i yiibʼ wach naʼojbʼal wilih.
«Wach akʼal, reʼ tinamit inchol kisikʼim i korik» (Isaías 26:9).
«Reʼ i korik naa rubʼaan reʼ reʼ naa rukʼamwiik cho reh i rusuqkiil kʼuxliis. Eh i rukʼam woʼ chaloq i suq laj wihik chʼiklik wiiʼ qakʼux chi juneliik» (Isaías 32:17).
Yuʼnaak kʼih taqeh kʼachareel kʼahchiʼ kitijem pan Santo Laj Huuj nikʼwach ne inkiyeʼew kiloqʼil chi kiwach.
Reh runabʼjiik ruman, chawil wach i huuj ¡Despertad! , reʼ i rubʼihnaal «¿Tiene cura el prejuicio?».
Reh runabʼjiik nikʼwach taqeh ajabʼees ne kiqʼorik kuukʼ taqeh i kihalakʼuun chi riij i wilih, chawil wach i naʼojbʼal pan jw.org «¿Cómo hablar con sus hijos sobre el racismo?».