«Re’ i kowlaj teew eh i tz’a’ laj q’iij k’ahchi’ ruk’amam cho i k’axkilal chi kinaah taqeh k’achareel, taqeh tinamit eh chu’nchel taqeh ye’aab’. Re’ i kowlaj teew irub’an chi ne inwih’ik i kowlaj jab’ eh i tz’a’ laj q’iij, eh re’re’ irub’an chi ne kiyojib’ik taqeh yuuq’ kixkaab’ eh taqeh paat jun sut i wach ak’al. Re’ palaw k’ahchi’ rutz’a’b’iik eh k’ahchi’ rub’anam chi ne kikimik taqeh chikop eh chu’nchel i wilik kik’achariik chupaam». (Inger Andersen, (jenaj ajtz’ihb’aneel reh i molaab’ Naciones Unidas eh ajk’amal b’eeh reh i molaab’ inilwik reh i kowlaj teew eh i tz’a’ laj q’iij pan Naciones Unidas), 25 reh julio reh 2023.

 ¿Mi ne ta wo’ irub’an chi ne inkimol kiib’ taqeh ajtaq’aneel chi jun sut i ak’al reh rukorsjiik taqeh k’axkilal wilih? Re’ toob’inik inkiyeew, ¿reh na chi junelik?

 Re’ Santo Laj Huuj inq’orik chi riij jenaj taq’anik i narukorsam taqeh k’axkilal iruk’am cho i kowlaj teew eh i tz’a’ laj q’iij ayu’ naah ak’al. Iruq’or chi «re’ i QaJaaw Dios wilik cho pan taxaaj naa rupab’aam jinaj naa ruwihiik rajaawriik» reh chi ne irilow i wach ak’al chi korik (Daniel 2:44). Ruuk’ i ajtaq’aneel re’re’ «ma’ xta chik jot’ooj naa rub’aan» keh taqeh k’achareel eh reh i wach ak’al (Isaías 11:9).