¡NAʼLIK OQ AWACH!
Reʼ wach akʼal kʼahchiʼ ruyojiik wach—¿Chajariik iruqʼor i Santo Laj Huuj?
«Reʼ taqeh kʼaxkilal wach akʼal xa reʼyuʼ kʼahchiʼ runimbʼiik wach. Wilik taqeh tinamit xinunjik chi haʼ. Pan juʼjun taqeh yeʼaabʼ xiik naah i rutzʼaʼil i qʼiij, wilik taqeh yeʼaabʼ irubʼan wiiʼ kowlaj teew eh jabʼ eh pan tokoom chik maʼ xta haʼ. Eh jenaj millón chi chikop eh cheeʼ kʼahchiʼ rusahchik kiwach. Reʼ inuqʼor maʼ reʼ ta chukuj qʼorik. Jeʼ rukabʼ iruqʼor i ciencia, reʼ wilih kʼahchiʼ rukʼulariik ruum nikʼwach rukojariik kʼahchiʼ keebʼ yuʼnaak ruukʼ i energia [jeʼ rukabʼ i gasolina, reʼ electricidad, energía nuclear, eh tokoom chik]» (Reʼ xuqʼor i António Guterres, secretario general de las Naciones Unidas, chi riij i informe reh i 4 reh abril reh 2022 reh i Grupo Intergubernamental de Expertos sobre el Cambio Climático).
«Reʼ taqeh científicos inkiqʼor chi chupaam taqeh haabʼ chalik reh, reʼ taqeh kʼaxkilal iruyeew i wach akʼal naruyojom kiwach taqeh parque nacional [reh Estados Unidos], reʼ taqeh xa reʼyuʼ inkikʼul i kʼaxkilal. Reʼ taqeh kʼaxkilal ne inkikʼul i 423 parques kow wach, jeʼ rukabʼ taqeh elel haʼ eh elel qʼaaqʼ, reʼ taqeh hielo kʼahchiʼ ruhabʼiik, reʼ taqeh palaw kʼahchiʼ rujohtiik cho eh reʼ rutzʼaʼil i qʼiij kʼahchiʼ woʼ rujohtiik wach.» (“Flooding Chaos in Yellowstone, a Sign of Crises to Come” [Nimlaj elel haʼ pan parque Yellowstone, reʼ inqʼorik chi riij taqeh i kʼaxkilal chalik reh], The New York Times, 15 reh junio reh 2022).
¿Na narukorsjiik wach taqeh kʼaxkilal reh teew jabʼ? Mi jeʼ reʼ, ¿nikʼwach? Chawil iruqʼor i Santo Laj Huuj.
Reʼ Santo Laj Huuj iruqʼor chi reʼ taqeh winaq nakiyom wach i akʼal
Pan Santo Laj Huuj inqil chi reʼ Dios «narusahcham kiwach taqeh i kʼahchiʼ kiyojom i akʼal». (Apocalipsis 11:18, TNM) Reʼ versículo wilih irukʼuhtaaj qeh ixibʼ chi naʼojbʼal:
1. Reʼ taqeh winaq nakiyojom wach i akʼal.
2. Reʼ taqeh kʼahchiʼ kiyojom i wach akʼal narusahchiik kiwach.
3. i Dios narukorsaniik reh taqeh kʼaxkilal wilih, maʼ reʼ ta taqeh winaq.
Narujaljiik wach i kʼahchiʼ rukʼulariik wach akʼal
Reʼ Santo Laj Huuj iruqʼor chi «reʼ wach akʼal xamaʼ njaljik ta woʼ wach» (Eclesiastés 1:4). Chi juneliik naruwihʼiik kʼacharik chupaam.
«Re’ taqeh korik wach kik’ux nakehchaam i wach ak’al eh ar nakik’achariik chi juneliik» (Salmo 37:29, TNM).
Reʼ wach akʼal narukorsjiik wach eh xa holohik chik narubʼanam.
«Re’ i xkahnik chi chiq yuuq’ naa wo’ chik rusuuqb’iik ruk’ux. Re’ chiq ak’al naa chik reliik i uhtz’ub’ chuwach» (Isaías 35:1).
Puede que también le interese
TAQEH PAHQANIK CHI RIIJ I SANTO LAJ HUUJ
¿Narusachariik na wach i akʼal?
Mareh ne irusach akʼux reʼ iruqʼor i Santo Laj Huuj.
ESSENTIAL BIBLE TEACHINGS
¿Chaj wo’ reet i Dios xutz’uhkrisaj i ak’al?
Re’ wach ak’al q’e’ holohik. Pajooj chi manlik nik’ najtil naruwih’ik ruuk’ i q’iij eh nik’ kowiil narub’anam eh kojarik pan ruye’aab’. ¿Chaj wo’ reet xukoj ruk’ux i Dios noq xutz’uhkrisaj i holohik laj ak’al wilih?
CHI QIIJ I HOJ
Tiponoq pan jenaj moloj iibʼ
Chatijej chi riij taqeh qamoloj iibʼ. Chasikʼ jenaj yeʼaabʼ reh moloj iibʼ maʼ najt ta awuukʼ.
