Re’ taqeh k’achareel jun suut i ak’al k’ahchi’ kik’raam i rutz’a’iil i q’iij, eh je’ wo’ i kowlaj jab’ eh i kowlaj teew, re’ ma’ ilooj ta naq. Chakoj rehtaal i xkiq’or chi riij i wilih:

•   «Chupaam i poh junio xti xtz’a’b’ik i q’iij chi jun suut i ak’al, ma’ jank’al ta naq inilarik i wilih chuwach i 174 haab’ ik’inaq cho, je’ rukab’ inkiq’or i inkitz’ir riij i wilih» (La Oficina Nacional de Administración Oceánica y Atmosférica, Departamento de Comercio de EE. UU., 13 reh julio reh 2023).

•   «Italia, España, Francia, Alemania eh Polonia k’ahchi’ kik’raam i rutz’a’iil i q’iij eh k’ahchi’ kuy’eem chi re’ i rutz’a’iil i teew ne imponik chi 48°C [118°F] pan taqeh ye’aab’ suutimha’ riij Sicilia eh Cerdeña, ar Europa. Ma’ jank’al ta naq intz’a’b’ik i q’iij je’ rukab’ i wilih» (La Agencia Espacial Europea, 13 reh julio reh 2023).

•   «K’ahchi’ quy’eem chi re’ q’iij ne intz’a’b’ik eh chi ne inchalik wo’ i kowlaj jab’ ruum i wilih. Re’ wilih narub’anam chi ju’jun taqeh ye’aab’ ne kinunjik chi ha’» (Stefan Uhlenbrook, ajk’amal b’eeh reh i hidrología, agua eh criosfera pan Organización Meteorológica Mundial, 17 reh julio reh 2023).

 Noq inab’iraj i wilih, ¿mi tiruyeew chi kapeb’inik? Chakoj rehtaal iruq’or i Santo Laj Huuj noq inq’orik chi riij i wilih.

 Hoo’. Chi jun suut i ak’al, re’ i rutz’a’iil i q’iij eh i kowlaj teew i kowlaj jab’ iruk’am riib’ ruuk’ iruq’or i Santo Laj Huuj chi na naq ruk’ulariik pan qaq’ijil. Jenaj ehtalil, re’ Jesús xuq’or chi «ma’ k’isiin i xa chib’ih jariik inaakik’uhtaam cho kiib’ ti yo’joq kuum» (Lucas 21:11). Ruuk’ i rutz’a’iil i q’iij inilarik, k’ih kiyo’jik chi re’ ak’al ne insahchik wach.

 Ma’ chih ta. Re’ Dios xutz’uhkrisaj i wach ak’al reh chi ne qojpatinik chupaam chi junelik; ma’ na ta rukanaam chi re’ taqeh k’achareel ne inkisach wach (Psalm 115:16; Ecclesiastes 1:4). Ruq’orom la’ chi «narisachariik kiwach taqeh i kisachwik reh i wach ak’al» (Revelación 11:18; Reʼ Loqlaj Huuj, RLLH).

 Re’ Santo Laj Huuj iruq’or chi re’ Dios wilik rajaawriik eh chi naruko’leem i wach ak’al chi riij taqeh k’axkilal wilih.

•   «[Re’ Dios] xusuutej chi xa kok’ musjab’ i runimaal teew jab’, eh xupab’aa’ taqe i rub’ohl i palaw» (Salmo 107:29). Re’ Dios wilik rajaawriik reh chi ne irupahb’aa’ i kowlaj teew, i kowlaj jab’ eh i rutz’a’iil i q’iij. Pan ruq’ab’ wilik rukorsjiik taqeh k’axkilal rukanaam i wilih.

•   «Re’ wo’ hat tik’uxlanik reh i wach ak’al, i nayeew i jab’ chinaah. Eh i nayeew taqe i rooq i ha’ tz’aqtesb’al reh, ruuk’ i re’ i naak’isaj taqe johtoq i tik, eh kiwachinik» (Salmo 65:9). Re’ Dios narukuxisam i ak’al eh narub’anam chi xa holohik chik.

 Reh chi ne inatijej ruman chi riij i irub’ehsaj i Santo Laj Huuj chi riij nik’wach wo’ chik narukorsjiik i wach ak’al, chawil i na’ojb’al «¿Quién salvará el planeta?»