Pan 24 reh mayo reh 2022, xkʼuljik jenaj tiʼ kʼaxik pan tinamit Uvalde, Texas, EE.UU. Reʼ huuj rubʼihnaal The New York Times xuqʼor chi, «jenaj winaq xukansaj 19 chi halakʼun eh kiʼibʼ chi kʼuhtaneel pan Primaria Robb».

 Reʼ taqeh kʼaxkilal wilih, juneliik inilarik wach. Reʼ huuj USA Today xuqʼor chi ar Estados Unidos, «reʼ haabʼ xikʼik xwihʼik 249 chi kansanik pan taq tijinbʼal. Pan rutohqʼiik i haabʼ 1970 koʼ yuʼnaak, maʼ inkʼularik ta naq chik kʼih taqeh i kansanik pan taq tijinbʼal».

 ¿Chaaj woʼ reet inkʼularik taqeh tiʼ kʼaxik wilih? ¿Chajariik ne ruyeew rukowiil qakʼux eh quyʼinik? ¿Na ta woʼ ruponiik i qʼiij chi maʼxta ta chik i peletohinik eh kansanik? Reʼ Santo Laj Huuj inqʼorik chi riij taqeh pahqanik wilih.

•    Reʼ Santo Laj Huuj iruqʼor chi wilkooj pan «pantzʼapaabʼ […] wach ree qʼiij» noq reʼ taqeh kʼachareel «maʼ naa ta ruwihiik i kʼaxooj kuukʼ» eh «xiikʼ naah kijosqʼiil», ruum aj reʼ, reʼ kibʼanooj maʼ holohik ta. Reʼ taqeh inkibʼan i yiibʼ wach naʼojbʼal «xa reh reh kiqʼebʼem kiibʼ» (2 Timoteo 3:1-5, 13). Mi inawaaj anabʼeem kʼisinoq chik chi riij, chawil i naʼojbʼal reh Internet «¿Predijo la Biblia cómo sería la gente en nuestros días?»

 Kʼih taqeh kʼachareel inkipahqaaj keh, ¿Chaaj woʼ reet iruyeew qʼabʼ i Dios chi ne inkʼuljik taqeh kansanik pan taq tijinbʼal? Reh chi ne inqanabʼeej iruqʼor i Santo Laj Huuj chi riij i pahqanik wilih, chawil i huuj «¿Por qué le pasan cosas malas a la gente buena?»

•    «Chu’nchel xtz’ihb’jik cho najtir pan Santo Laj Huuj, xtz’ihb’jik reh chi ruuk’ […] i rukowiil qak’ux iruyeew i Santo Laj Huuj ne inwih’ik quy’inik» (Romanos 15:4, TNM).

 Reʼ taqeh i naʼatijem pan Santo Laj Huuj ne tirutobʼeej ikʼik chupaam i peletohinik eh kansanik inwihʼik wach akʼal. Chawil i huuj ¡Despertad! «¿Acabará algún día la violencia?» mi nawaaj anabʼeem kʼisinoq chik chi riij.

 Reh chi reʼ taqeh ajabʼees ne inkireq taqeh naʼojbʼal reh nikʼwach ne inkitobʼeej taqeh kihalakʼuun, reh chi maʼ ne ta kiyoʼjik ruukʼ inkibʼiraj pan noticia, chawil i naʼojbʼal pan Internet «El efecto de las noticias en los niños».

•    «Naa wo’ ruko’leem taqe chuwach i yiib’ wach minooj taqe wii’. Eh je’ wo’ chuwach taqe i ti’ k’axik» (Salmo 72:14).

•    «Eh re’ kich’ihch’ k’ul q’as naakisutem chi reh arado, re’ i kich’ihch’ q’as ju’ macheet chik naakisutem wii’. Eh ma’ jino’q chik i tinamit naakikansam kiib’ ruuk’ ch’ihch’, ma’ naa ta chik kitijiik reh i q’aq’inik» (Miqueas 4:3).

 Reʼ Dios narubʼanam reʼ i maʼ inkibʼan ta taqeh winaq. Reʼ runimaal Rajaawriik i Dios narusacham kiwach taqeh chʼihchʼ oon puhbʼ reh kansanik eh taqeh peletohinik. Mi nawaaj anabʼeem kʼisinoq chik chi riij i narubʼanam i runimaal i Rajaawriik i Dios, chawil i huuj «El Reino de Dios traerá paz en abundancia».