Pan 19 reh mayo reh 2022, pan jenaj moloj iibʼ reh Consejo de Seguridad reh i ONU ahaʼ xiwihʼik 75 chi ajtobʼineel reh i wilik kajaawriik nah tinamit eh xkiqʼor chi «reʼ wiʼjaleel chi junsut akʼal kʼahchiʼ naq rukʼihiik ruum i COVID-19 eh jeʼ woʼ ruum i kʼaxkilal irukʼam cho i teew jabʼ. Xa reʼ laʼ yuʼnaak, xareʼyuʼ kʼahchiʼ runimbʼik wach ruum i qʼaqʼinik ar Ucrania». Chi riij i wilih, reʼ huuj The Economist xuqʼor chi «reʼ qʼaqʼinik kʼahchiʼ rubʼanam chi reʼ wiʼjaleel kow wach chi junsut i akʼal». Reʼ Santo Laj Huuj xuqʼor cho rubʼiral chi reʼ wiʼjaleel na naq rukʼulariik pan qaqʼijil, xa reʼ laʼ qojrutobʼeej ikʼik chupaam i kʼaxkilal wilih.

•    Reʼ Jesús xuqʼor rubʼiral chi: «Re’ taqe i nimaq taq tinamit k’ul naa kitoq’aam peleto chikiwach, eh re’ i ju’jun seht chi tinamit k’ul naa kitoq’aam q’aq’inik chikiwach. Naa ruwihiik i wi’jaleel» (Mateo 24:7).

•    Reʼ huuj Apocalipsis inqʼorik chi riij i kijibʼ chi kawaayo. Jenej keh i kawaayo wilih irujalwacheej i qʼaqʼinik. Eh reʼ jenaj chik kawaayo xam chi riij irujalwacheej i wiʼjaleel, noq reʼ wiʼk haʼ xa pajooj chik eh kʼih kitzʼaaq. «Eh noq xintz’ehtanik, jinaj wo’ chik i kawáyu xwilow wach q’eq riij, re’ iqlik chi riij rut’uhyeem rupexu. Eh xb’iraj i q’orik xb’aan cho pan kixilak i kijib’ chi k’achaach, je’ wili i xuq’or: Xa ki’ib’ libra chi trigo i naa ruye’ariik chi riij i jinaj q’iij chi kamanik. Eh waqiib’ libra chi sebada i naa ruye’ariik chi riij i jinaj q’iij chi kamanik» (Apocalipsis 6:5, 6).

 Reʼ taqeh i qʼorooj cho rubʼiral wilih chi riij i wiʼjaleel kʼahchiʼ rojiik eloq wach «pan rukuxiik taqeh q’iij» (2 Timoteo 3:1, TNM) Reh chi ne inatijej kʼisinoq chik chi riij i «rukuxiik taqeh q’iij» eh chi riij i kijibʼ chi kawaayo reh i Apocalipsis, chawil i video En 1914 el mundo cambió de rumbo eh chawil wach i huuj ¿Qué representan los jinetes del Apocalipsis?

•    Reʼ Santo Laj Huuj iruyeew naʼojbʼal ne inkamanik qeh chi rukuyariik taqeh kʼaxkilal jeʼ rukabʼ noq kʼih tzʼaaq i wiʼk haʼ oon noq wilik wiʼjaleel. Chawil juʼjun taqeh ehtʼalil pan naʼojbʼal reh internet «Cómo vivir con menos».

•    Reʼ Santo Laj Huuj iruyeew woʼ quyʼinik noq iruqʼor chi reʼ taqeh kʼaxkilal wilih maʼ na ta chik ruwihʼiik. Irubʼehsaj woʼ qeh chi «naruwachiniik chunchel taqeh tik nah akal» eh chuʼnchel taqeh kʼachareel naruwihʼiik keh i aajwaal wach chi keh. (Salmo 72:16, TNM) Reh chi ne inatijej kʼisinoq chik chi riij i uyʼinik irubʼehsaj i Santo Laj Huuj eh chaaj woʼ reet ne nakoj akʼux ruukʼ, chawil i naʼojbʼal reh internet «La esperanza real de un mañana mejor».