Reʼ yabʼilaal—¿Chajariik narubʼanam i Runimaal Rajaawriik i Dios?
«Atoobʼ ta reʼ yabʼilaal COVID-19 maʼ qʼeʼ ta chik kow yuʼnaak, reʼ wilih maʼ iraaj ta ruqʼorom chi reʼ taqeh kʼachareel maʼ ne ta chik kiyowabʼjik ruukʼ i wilih. […] Noq ne inchalik jenoʼ nimlaj yabʼilaal—eh qehtʼal chi reʼ wilih narukʼulariik—, ko ruman chi qehtʼaliim oq chik chajariik naqabʼanam» (Tedros Adhanom Ghebreyesus, director general de la Organización Mundial de la Salud) (reʼ inkʼamwik bʼeeh pan molaabʼ irilow taqeh yabʼilaal jun suut i akʼal, 22 reh mayo reh 2023).
Kʼih taqeh kʼachareel ko tiʼ wilkeebʼ eh ko kikaaj kapeew ruum i kʼaxkilal rukanaam i yabʼilaal COVID-19. ¿Mi kikorsam ta woʼ kiibʼ taqeh ajabʼees eh taqeh aj iqʼomaneel noq ne inchalik jenoʼ nimlaj yabʼilaal chi jun suut i akʼal? Oon, ¿mi ne ta woʼ inkibʼan rusachariik wach taqeh yabʼilaal wilkeebʼ yuʼnaak?
Reʼ Santo Laj Huuj iruqʼor chi «reʼ i QaJaaw Dios wilik cho pan taxaaj naa rupabʼaam jinaj naa ruwihiik rajaawriik» oon jenaj taqʼanik, eh reʼ taqʼanik wilih narubʼanam chi maʼ ne ta chik inwihʼik taqeh yabʼilaal (Daniel 2:44). Ayuʼ wach akʼal, «maʼ jinoʼq chik naa ruqʼoriik chi jeʼ wili: Reʼ hin, hin yowaabʼ, maʼ inkoʼq taj» (Isaías 33:24). Maʼ jenoʼ chik naruyowabʼjiik eh chuʼnchel chik naruwihʼik kánsil jeʼ rukabʼ taqeh kʼijool (Job 33:25).