PARTE 6
¿Chajarik inqatijej chi riij i Nim laj Jabʼ?
Reʼ Dios xusach kiwach i maʼ xinimanik ta, xa reʼ laʼ xukoʼleej i Noé eh i rufamilia (Génesis 7:11, 12, 23)
40 qʼiij eh 40 aqʼabʼ xubʼan i kow laj jabʼ eh i akʼal xnunjik chi haʼ eh chuʼnchel taqeh kʼachareel yiibʼ wach kinaʼojbʼal xikimik.
Reʼ taqeh ángel maʼ xkinimaj ta i Jehová xkikanaʼ i kitiʼjolal eh xkitahqeej i ajYahm. Reʼ taqeh wilih reʼ maʼ tobʼ laj uxlabʼal.
Xa reʼ woʼ i wilkeebʼ naq chupaam i arca xikoʼljik. Chi riij i reʼ, reʼ Noé eh i rufamilia xikimik. Reʼ Dios naruksam woʼ chik taqeh eh naruyeʼem kikʼachariik chi junelik.
Mateo 24:37-39)
Maʼ najt ta chik iraaj chi reʼ Dios ne rusach kiwach i yiibʼ wach i kinaʼojbʼal eh narukoʼleem taqeh i kinimanik reh (Reʼ ajYahm eh reʼ taqeh i maʼ toobʼ laj uxlabʼal inkaaj chi reʼ taqeh kristyaan maʼ ne ta inkibʼiraj i Jehová.
Yuʼnaak jeʼ rukabʼ pan ruqʼijil i Noé, kʼih taqeh kristyaan maʼ inkaaj ta kinimam i Jehová. Maʼ najt ta chik iraaj chi reʼ reh ne irusach kiwach i yiibʼ wach kinaʼojbʼal (2 Pedro 2:5, 6).
Xa reʼ laʼ, wilik taqeh kristyaan jeʼ rukabʼ i Noé eh inkiʼan chajarik iraaj i Dios. Reʼ taqeh testigo reh Jehová.