PARTE 11
¿Mi qojrubʼiraj i Jehová?
Reʼ Dios irubʼiraj i qatiij (1 Pedro 3:12)
Reʼ Jehová irubʼiraj i qatiij (Salmo 65:2). Reʼ reh iraaj chi ne inqaqʼor reh i wilik pan qanima.
Xa reʼ woʼ chuwach i Jehová naʼabʼanam atiij.
Ne rubʼan chi ne inqapahqaaj reh i Dios xa paʼ jarik (1 Juan 5:14)
Chapahqaaj reh chi ne rubʼan ayuʼ wach akʼal chajarik iraaj i reh jeʼ rukabʼ inbʼan chik pan taxaaj.
Chaʼan atiij pan rubʼihnaal i Jesús. Jeʼ reʼ ne nakʼuhtaaj chi inatyoxeej ahaʼ wilik i xubʼan chawiij.
Chapahqaaj reh chi ne tirutobʼeej reh rubʼanarik i holohik, reh chi ne nareq akamaj, apatbʼaal eh asoʼ. Chapahqaaj reh chi ne inwihʼik awaʼ ahaʼ chuʼnchel qʼiij. Ne woʼ rubʼan chi ne napahqaaj awansil noq hat yowaabʼ.
