PARTE 3
¿Nikʼwach naq i kʼachariik pan yeʼaabʼ Edén?
Reʼ Dios kʼih xuyeew keh i Adán eh i Eva reh chi suq naq kikʼux (Génesis 1:28)
Reʼ Jehová xutzʼuhkrisaj i Eva i peet ixoq eh xuyeew reh i Adán chi rehkʼeen (Génesis 2:21, 22).
Reʼ Dios xutzʼuhkrisaj i Adán eh i Eva chi maʼ ajmahk ta taqeh. Reʼ i kikapebʼaal eh i kitiʼjolal manlik naq wach.
Kʼachariik naq inkiʼan pan yeʼaabʼ Edén. Reʼreʼ jenaj naq yeʼaabʼ ahaʼ wiiʼ wilik naq jenaj nim haʼ, kʼih taqeh i cheeʼ eh kʼih taqeh i chikop. Jenaj naq holohik yeʼaabʼ.
Reʼ Jehová inqʼorik naq kuukʼ eh reʼ keh kʼih naq inkitejej ruukʼ. Mi inkaaj naq kʼachariik chi junelik pan yeʼaabʼ reʼreʼ, koruman naq chi ne inkibʼiraj i Dios eh ne naq inkinimaj.
Reʼ Dios xuqʼor keh chi maʼ na ta naq kikʼuxum wach jenaj i cheeʼ (Génesis 2:16, 17)
Reʼ Dios xuqʼor reh i Adán eh i Eva chi maʼ na ta naq kikʼuxum jenaj wach i cheeʼ wilik naq pan yeʼaabʼ reʼreʼ. Mi inkikʼux naq wach i cheeʼ reʼreʼ na naq kikimik.
Jenaj ángel maʼ xraaj ta chik runimam i Dios. Reʼ ángel reʼreʼ yiibʼ wach runaʼojbʼal reʼ ajYahm.
Reʼ ajYahm maʼ raaj ta naq chi reʼ keh ne naq inkinimaj i Jehová. Reʼ reh xukoj jenaj aaqʼ reh ruqʼorariik reh i Evá chi maʼ na ta naq rukimik mi rukʼux naq i wach i cheeʼ reʼreʼ. Xuqʼor reh chi na naq ruponik jeʼ rukabʼ i Dios. ¡Reʼ wilih jenaj naq chukuj qʼorik! (Génesis 3:1-5).
Puede que también le interese
ESSENTIAL BIBLE TEACHINGS
¿Chaj wo’ reet i Dios xutz’uhkrisaj i ak’al?
Re’ wach ak’al q’e’ holohik. Pajooj chi manlik nik’ najtil naruwih’ik ruuk’ i q’iij eh nik’ kowiil narub’anam eh kojarik pan ruye’aab’. ¿Chaj wo’ reet xukoj ruk’ux i Dios noq xutz’uhkrisaj i holohik laj ak’al wilih?
