PARTE 12
¿Nikʼwach ne inqareq i suqkiil kʼuxliis pan qapaat?
Noq wilik kʼaxooj pan paat chikunchelaal suq kikʼux (Efesios 5:33)
Reʼ rukʼuhbʼaal i Dios iruqʼor chi xa jenaj winaq ruukʼ jenaj ixoq ne rubʼan chi ne inkiʼan kaxaro.
Jenaj manlik bʼahilbʼees irukapaaj eh irukʼax i rehkʼeen.
Koruman chi reʼ ehkʼenbʼees ne irutobʼeej i rubʼahiil.
Reʼ taqeh akʼunbʼees nakinimam i kituut kajaaw.
Xa hat oq taq chaqʼlaam ruukʼ awuchʼihil eh maʼ chʼuwaʼrisaj taq wach akaxarohiil (Colosenses 3:5, 8-10)
Reʼ Santo Laj Huuj iruqʼor chi reʼ winaq koruman chi ne irukʼax i rehkʼeen jeʼ rukabʼ irukʼax riibʼ i reh, eh reʼ ehkʼenbʼees narunimam i rubʼahiil.
Jenaj winaq ne rubʼan chi ne inwirik ruukʼ jenoʼ ixoq mi kiʼanam chik kaxaro. Eh jenaj kristyaan xa jenaj woʼ ruchʼihil naruwihʼik.
Reʼ Santo Laj Huuj irukʼuhtaaj nikʼwach rureqarik i suqkiil kʼuxliis pan paat.
Puede que también le interese
REH REH WACH HUUJ
¿Chajarik ajwaal wach pan paat reh chi ne inwihʼik suqkiil kʼuxliis?
Wilik inkikapaaj chi reʼ tumin iruyeew i suqkiil kʼuxliis pan kipaat. Eh ¿Korik tawoʼ chi reʼ wilih ajwaal wach?
