Reʼ Adán eh i Eva xwihʼik kihalakʼuun, chi riij i reʼ xnunjik i wach akʼal. Xa reʼ laʼ, wilik taqeh ángel xkiʼan jeʼ rukabʼ i ajYahm eh maʼ xkaaj ta chik kinimam i Dios.

Reʼ keh xiqajik cho pan taxaaj eh xkikoj kitiʼjolal reh winaq ruum chi inkaaj naq kibʼanam kaxaro ruukʼ taqeh ixoq. Xwihʼik kihalakʼuun yiibʼ wach i kinaʼojbʼal eh wilik naq kansil chikiwach taqeh tokoom.

Reʼ wach akʼal xnunjik chi kʼachareel yiibʼ wach i kinaʼojbʼal. Reʼ Santo Laj Huuj iruqʼor chi kʼih naq i yiibʼ wach naʼojbʼal inkiʼan i tinamit chi naah i wach akʼal. Reʼ taqeh kristyaan junelik kʼahchiʼ naq kikapaam rubʼanariik i yiibʼ wach bʼanooj.

Reʼ Noé jenaj naq atoobʼ laj winaq. Reʼ Jehová xuqʼor reh chi na naq rusacham kiwach taqeh kristyaan yiibʼ wach i kinaʼojbʼal ruukʼ jenaj kow laj jabʼ.

Xuqʼor reh chi ne naq irubʼan jenaj kaxoon paat. Reʼ rubʼihnaal: Arca reh Noé. Eh ar naq narukojom i rufamilia eh jeʼ woʼ taqeh chikop.

Reʼ Noé xuqʼor keh taqeh i kristyaan chi na naq ruchalik jenaj kow laj jabʼ. Xa reʼ laʼ maʼ xkaaj ta kibʼiram, wilik xkiseʼlaaj eh wilik i qʼeʼ xikaqrik.

Noq reʼ Noé xukohlaaj i arca xukoj taqeh i chikop chupaam.