Reʼ Santo Laj Huuj ruqʼorom naq chik i kʼaxkilaal kʼahchiʼ qilom. Ruqʼorom naq chik chi reʼ taqeh akʼunbʼees maʼ na ta naq kiniman i kituut kajaaw, maʼ holohik ta naq i kinaʼojbʼal eh chi na naq kikʼaxam wach i tumiin eh chuʼnchel i rubʼehsaj i wach akʼal.

Ruqʼorom woʼ chi na naq ruwihʼik yihk on hihk, puhbʼanik, kristyaan maʼxta kiwaʼ kihaʼ eh kʼih taqeh yabʼilaal. Reʼreʼ kʼahchiʼ qilom yuʼnaak.

Reʼ Jesús xuqʼor chi reʼ narubʼanam i runimaal Rajaawriik i Dios na naq ruqʼorariik chi junsut i wach akʼal (Mateo 24:14).

Maʼ najt ta chik iraaj chi reʼ Jehová ne rusach kiwach taqeh i maʼ holohik taj i kinaʼojbʼal.

Reʼ ajYahm eh reʼ taqeh maʼ toobʼ laj uxlabʼal narusachariik kiwach.

Reʼ taqeh inkinimaj i Dios nakikʼachariik pan jenaj akʼal ahaʼ wiiʼ naruwihʼik kʼaxooj eh suqkiil kʼuxliis. Maʼ awach ta chik naruyoʼjik, ruum chi maʼ awach ta narubʼanam i maʼ holohik ta wach bʼanooj.