LECCIÓN 01
¿Chajariik xkikoj rehtaal taqeh kʼachareel chi riij i Santo Laj Huuj?
Kʼih inqabʼan pahqanik chi riij i kʼacharik, i tiʼ kʼaxik, reʼ i kimik eh ruchʼihiil i chalik reh. Jeʼ woʼ inchalik pan qakapebʼaal chi riij chajariik naqakʼuxum iqal iqal eh nikʼwach ne inwihʼik suqkiil kʼuxliis pan qafamilia. Kʼih woʼ taqeh kʼachareel xkikoj rehtaal chi reʼ Santo Laj Huuj inqʼorik chi riij taqeh pahqanik aajwaal kiwach jeʼ woʼ iruyeew kinaʼojbʼal pan kikʼachariik. ¿Inaqʼor na chi reʼ Santo Laj Huuj ne irutobʼeej jenoʼ awehtʼal wach?
1. ¿Ahaʼ oon haj wilik juʼjun taqeh pahqanik inqʼorik chi riij i Santo Laj Huuj?
Reʼ Santo Laj Huuj inqʼorik chi riij taqeh pahqanik jeʼ rukabʼ i wilih: ¿nikʼwach xtohqʼik i kʼacharik?, ¿chaaj woʼ reet wilkooj ayuʼ?, ¿chaaj woʼ reet inkikʼul i tiʼ kʼaxik taqeh holohik i kinaʼojbʼal?, ¿chajariik inkʼuljik chi riij i kimik?, ¿chaaj woʼ reet wilik qʼaqʼinik eh tiʼkiil kʼuxliis? eh ¿chajariik narukʼuljiik ruukʼ i akʼal? Reʼ Santo Laj Huuj ne ruqʼor qeh chi riij taqeh pahqanik wilih, eh chuʼnchel taqeh kʼachareel reʼ kehtʼaliim chik, suq kikʼux.
2. ¿Chajariik chi naʼojbʼal iruqʼor qeh i Santo Laj Huuj?
Reʼ Santo Laj Huuj iruyeew qanaʼojbʼal, iruqʼor woʼ keh taqeh familia nikʼwach ne inwihʼik rusuqkiil kikʼux pan kikʼachariik eh iruqʼor woʼ qeh nikʼwach maʼ ne ta qojqʼuhtik eh chi ne imponik chi qawach i qakamaj. Noq kʼahchiʼ qatijem qiibʼ chi riij i naʼojbʼal wilih, naʼatijem chajariik iruqʼor i Santo Laj Huuj chi riij i juʼjun chi kapebʼal. Noq kʼahchiʼ awilom ne nareq chi riij chi «Chuʼnchel i tzʼihbʼamaj pan santo laj huuj [...] Inkamanik» (2 Timoteo 3:16).
Reʼ huuj wilih maʼ reʼ ta i Santo Laj Huuj xa reʼ laʼ, ne tirutobʼeej reh chi ne inatijej awiibʼ. Chawil wach taqeh versículo wilik chupaam eh chawil nikʼwach irukʼam riibʼ ruukʼ i kʼahchiʼ atijem.
CHATZʼIR RIIJ I KʼAHCHIʼ ATIJEM
Qil nikʼwach i Santo Laj Huuj rutobʼeem taqeh kʼachareel eh nikʼwach ne nasuqkileej rilariik wach i Santo Laj Huuj eh chajariik taqeh kooch naʼakʼulum noq tikitobʼeej reh rureqariik chi riij.
3. Reʼ Santo Laj Huuj irukʼam qabʼeeh
Reʼ Santo Laj Huuj jeʼ rukabʼ i saqum chi qeh, ne qojrutobʼeej pan qakʼachariik eh runabʼjiik i narukʼuljiik pan taqeh qʼiij chalik reh.
Chawil taq wach i Salmo 119:105 eh tiqʼoroq taq chi riij:
-
¿Chajariik naq irukapaaj i xtzʼihbʼanik reh i Salmo wilih?
-
¿Chajariik inakapaaj i hat chi riij i Santo Laj Huuj?
4. Reʼ Santo Laj Huuj inqʼorik chi riij taqeh pahqanik inqabʼan
Jenaj ixoq xureq chi riij taqeh pahqanik rubʼanam pan rukʼachariik. Chawil taq i VIDEO eh tiqʼoroq taq chi riij:
-
¿Chajariik naq irilow ixoq eh chajariik naq irukapaaj?
-
¿Nikʼwach noq reʼ Santo Laj Huuj xutobʼeej ixoq?
Reʼ Santo Laj Huuj iruqʼor chi qasikʼ taqeh qapahqanik. Chawil taq Mateo 7:7 eh tiqʼoroq taq chi riij:
-
¿Inakapaaj na chi reʼ Santo Laj Huuj inqʼorik chi riij taqeh apahqanik? ¿Haj wilik inaqʼor i hat?
5. Ne inqasuqkileej rilariik paam i Santo Laj Huuj
Kʼih inkilow wach i Santo Laj Huuj eh inkikoj pan kikʼachariik. Chawil taq i VIDEO eh tiqʼoroq taq chi riij:
-
¿Chajariik inkikapaaj taqeh kʼijool chi riij i iloj wach huuj?
-
¿Chaaj woʼ reet imponik chi kiwach rilariik paam i Santo Laj Huuj?
Pan Santo Laj Huuj inqareq rukowiil qakʼux eh irusuqbʼisaj qakʼux. Chawil taq Romanos 15:4 eh tiqʼoroq taq chi riij:
-
¿Nawaaj na awehtʼaliim nikʼwach i Santo Laj Huuj iruyeew rukowiil qakʼux eh quyʼinik?
6. Ne inqareq chi riij i Santo Laj Huuj mi xojkitobʼeej
Maʼ jenaj ta wach rilariik paam i Santo Laj Huuj chi awutkeel. Chawil taq i Hechos 8:26 ko pan 31 eh tiqʼoroq taq chi riij:
-
Reh chi ne inqareq chi riij i Santo Laj Huuj ¿Chajariik ko ruman? (Chawil taq i versículo 30 eh 31).
Reʼ winaq aj Etiopía ko ruman chi xtobʼjik reh rureqariik chi riij i Santo Laj Huuj. Yuʼnaak kʼih kʼahchiʼ keebʼ chi tijinik chi riij i Santo Laj Huuj ruum chi kitobʼjik.
REʼ INKIQʼOR I JUʼJUN: «Rilariik wach i Santo Laj Huuj qʼebʼooj qʼiij».
-
¿Chajariik naq ne naqʼor i hat? ¿Chaaj woʼ reet?
KʼOLOQ PAN AKʼUX
Reʼ Santo Laj Huuj iruyeew qanaʼojbʼal, inqʼorik chi riij taqeh pahqanik aajwaal wach, iruyeew rusuqkiil qakʼux eh irukowbʼisaj qakʼux.
Reʼ xkahnik pan akʼux
-
¿Chajariik chi naʼojbʼal inqareq pan Santo Laj Huuj?
-
¿Chajariik taqeh pahqanik inqʼorik chi riij i Santo Laj Huuj?
-
Raaj i hat, ¿chajariik inawaaj anabʼeem chupaam i Santo Laj Huuj?
CHAREQ RUMAN
Chanabʼeej chaaj woʼ reet taqeh naʼojbʼal wilik chupaam i Santo Laj Huuj ko ruman.
Chawil nikʼwach i Santo Laj Huuj xutobʼeej jenaj winaq pan rukʼaxkilaal noq ko halakʼun.
Nikʼwach xnujal i nukʼachariik reh chi suq chik i nukʼux (2:53)
Chareq taqeh naʼojbʼal iruyeew i Santo Laj Huuj reh chi suq ne kiwihʼik taqeh familia.
«Kabʼlaj chi naʼojbʼal reh chi suq kikʼux taqeh familia» (¡Despertad!, núm. 2 reh 2018)
Chawil nikʼwach i Santo Laj Huuj irukʼuhtaaj ajwach i wilik rajaawriik chi naah i wach akʼal.
¿Ko ruman na chi ne natijej chi riij i Santo Laj Huuj? (chuʼnchel i video) (3:14)
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
