LECCIÓN 09
Reʼ tiij ne tirujil ruukʼ i Dios
¿Inawikʼraaj na i hat chi ko ruman i Dios pan akʼachariik? ¿Wilik na taqeh i ko ruman chaweh runabʼjiik? ¿Inawaaj na rukowiil akʼux? ¿Inawaaj na awikʼraam chi maʼ najt ta wilkaat ruukʼ i Jehová? Reʼ tiij ne tirutobʼeej runabʼjiik chuʼnchel taqeh wilih. Xa reʼ laʼ ¿nikʼwach i tiij naqabʼanam? ¿Irubʼiraj na i Dios chuʼnchel taqeh tiij? ¿Nikʼwach ne nanabʼeej chi reʼ Dios irubʼiraj atiij? Qil nikʼwach.
1. ¿Ajwach aj uukʼ naqabʼanam qatiij? ¿Chi riij chajariik ne qojqʼorik ruukʼ i Jehová pan qatiij?
Reʼ Jesús xukʼuhtaaj chi xa ruukʼ woʼ i Qajaaw wilik pan taxaaj ne inqabʼan qatiij. Reʼ Jesús xa ruukʼ naq i Jehová irubʼan rutiij. Junriim xuqʼor: «Reʼ taq i hat jeʼ wilih taq i tiij naʼabʼanam: ‹Qajaaw wilkaat cho pan taxaaj...›» (Mateo 6:9, TNM). Noq inqabʼan qatiij ruukʼ i Jehová, reʼ qamigohiil inkowjik ruukʼ.
Noq ne qojqʼorik ruukʼ i Jehová ne rubʼan chi ne inqaqʼor reh chuʼnchel inqikʼraaj. Xa reʼ laʼ mi inqaaj chi ne ruyeew qeh inqapahqaaj reh, maʼ ne ta irubʼan chi ne inqapahqaaj reh i maʼ imponik ta chuwach. Reʼ Santo Laj Huuj iruqʼor qeh chi «neenqapahqaaj reh pan qatiij [i Dios] ruukʼ rubʼehel jeʼ rukabʼ iraaj i reh, qehtʼal chi nee qoh ribʼiraj» (1 Juan 5:14). Reʼ Jesús xukʼuhtaaj juʼjun taqeh ehtalil ne inqakoj pan qatiij (chawil Mateo 6:9-13). Xa maʼ reʼ ta chi riij i qakʼachariik ne qojqʼorik, ne woʼ irubʼan chi ne inqatyooxeej reh i rubʼanam chi qiij eh ne woʼ inqapahqaaj reh chi ne rutobʼeej taqeh kʼachareel.
2. ¿Nikʼwach i tiij naqabʼanam?
Reʼ Santo Laj Huuj iruqʼor qeh: «Chuʼnchel akʼux cha aʼn taq atiij chuwach i [Dios]» (Salmo 62:8). Jeʼ reʼ noq reʼ naqaqʼorom pan qatiij korik eh nareliik cho pan qanima. Ne rubʼan chi ne inqabʼan qatiij chi kow eh chi qʼun, chi paʼlikooj oon chi xuklikooj xa reʼ laʼ naqakʼuhtaam chi inqayeew ruloqʼil i Jehová. Eh ne woʼ irubʼan chi ne inqabʼan qatiij xa nikʼ paʼ inqaaj eh xa ahaʼ paʼ wilkooj.
3. ¿Nikʼwach iruyeew qeh i Jehová reʼ inqapahqaaj reh pan qatiij?
Kʼih ruwiiʼ i rubʼan. Xa reʼ laʼ juneliik iruqʼor qeh pan Santo Laj Huuj i aajwaal wach chi qeh. Rilariik wach i Santo Laj Huuj ne «ruyeew runaʼojbʼal i maʼ xta runaʼojbʼal» (Salmo 19:7; chawil Santiago 1:5). Eh noq qojikʼik pan kʼaxkilal, reʼ Jehová iruyeew qeh i tuqkilal pan qakapebʼaal. Eh ne woʼ irubʼan chi reʼ taqeh rajkamanoom ne qojkitobʼeej noq aajwaal wach chi qeh.
CHATZʼIR RIIJ I KʼAHCHIʼ ATIJEM
Qil mi chuʼnchel i tiij reʼ inelik cho pan qanima imponik chuwach i Dios eh qil nikʼwach i tiij ne qojrutobʼeej pan qakʼachariik.
4. Wilik naqabʼanam reh chi ne qojrubʼiraj i Dios
¿Chajariik naqabʼanam reh chi reʼ Dios ne rubʼiraj i qatiij? Chawil taq i VIDEO.
Reʼ Jehová iraaj chi xa ruukʼ woʼ i reh ne inqabʼan qatiij. Chawil taq Salmo 65:2 eh tiqʼoroq taq chi riij:
-
¿Inaqʼor na chi reʼ inbʼirinik reh i tiij iraaj rubʼiram atiij? ¿Chaaj woʼ reet jeʼ reʼ inakapaaj?
Mi inqaaj chi reʼ Dios ne rubʼiraj i qatiij, naqakojom pan qakʼachariik taqeh rukʼuhbʼaal. Chawil taq Miqueas 3:4 eh 1 Pedro 3:12, eh tiqʼoroq taq chi riij:
-
¿Nikʼwach ne inqanabʼeej chi reʼ Dios irubʼiraj taqeh qatiij?
Kiʼibʼ tzuhbʼ chi soldado inkipahqaaj reh i Dios chi ne kitobʼjik pan qʼaqʼinik. ¿Reh i kiʼibʼ tzuhbʼ wilih ajwach ne irutobʼeej i Dios? ¿Irukʼax na wach i Dios chi ne inkikansaj kiibʼ?
5. Reʼ qatiij nareliik cho pan qanima
Kʼih taqeh kʼachareel maʼ reʼ ta pan kanima inelik cho i kitiij, xa pan huuj inkil eh inkiqʼor keh. Xa reʼ laʼ, ¿imponik na chuwach i Dios taqeh tiij jeʼ rukabʼ i reʼ? Chawil taq i Mateo 6:7 eh tiqʼoroq taq chi riij:
-
¿Chajariik ne nabʼan reh chi maʼ ne ta «inakaʼpicheej woʼ chik reʼ xaqʼor naq chik» pan atiij?
Chakapaaj i holohik xakʼul yuʼnaak eh chi riij i reʼ chatyooxeej reh i Jehová, chabʼan i wilih chuwach i jenaj xamaano. Noq ne nawil aqʼorom chik pan atiij wuquubʼ chi holohik akʼulum pan akʼachariik eh chi maʼ xakaʼpicheej ta jenoʼ.
Jenoʼ ajabʼees iraaj chi reʼ rakʼuun ne ruqʼor reh i korik eh ne ruqʼor reh i wilik cho pan ranima. Reʼ Jehová iraaj woʼ chi reʼ qatiij ne inelik cho pan qanima.
6. Reʼ tiij jenaj kooch ruyeʼem qeh i Dios
¿Nikʼwach ne qojrutobʼeej i tiij noq qojikʼik pan kʼaxkilal? Chawil taq i VIDEO.
Reʼ Santo Laj Huuj iruqʼor qeh chi reʼ tiij ne iruyeew rutuqkilaal i qanima. Chawil taq i Filipenses 4:6, 7 eh tiqʼoroq taq chi riij:
-
Atoobʼ ta reʼ qakʼaxkilaal maʼ insahchik ta wach, ¿nikʼwach qojrutobʼeej i tiij?
-
¿Chi riij chajariik inawaaj qʼorik pan atiij?
¿Mi awehtʼal naq?
Reʼ qʼorik amén iraaj ruqʼorom «jeʼ ta naq reʼ» oon «korik chi jeʼ reʼ». Najtir cho qʼiij pan Santo Laj Huuj inkiqʼor «jeʼ ta naq reʼ» pan rukuxiik i kitiij (1 Crónicas 16:36).
7. Chabʼan atiij atoobʼ ta lahtzʼ awach
Noq lahtzʼ qawach, wilik pech insahchik pan qakʼux i tiij. ¿Xukʼuhtaaj na i Jesús chi ko ruman i tiij? Chawil taq Mateo 14:23 eh Marcos 1:35, eh tiqʼoroq taq chi riij:
-
¿Chajariik naq irubʼan i Jesús reh rubʼanariik rutiij?
-
Raaj i hat, ¿chajariik naq ne nabʼan reh rubʼanariik atiij?
REʼ INKIQʼOR I JUʼJUN: «Reʼ tiij xa jenaj iqʼoom reh chi suq qakʼux».
-
¿Chajariik naq ne naqʼor i hat?
KʼOLOQ PAN AKʼUX
Reʼ taqeh tiij inelik cho pan qanima qojrujil ruukʼ i Dios. Iruyeew rutuqkilaal i qakapebʼaal eh iruyeew qansil reh rubʼanariik reʼ imponik chuwach i Jehová.
Reʼ xkahnik pan akʼux
-
Jeʼ rukabʼ i xatijej pan Santo Laj Huuj, ¿ajwach uukʼ naʼabʼanam atiij?
-
¿Nikʼwach i tiij naʼabʼanam?
-
¿Nikʼwach ne tirutobʼeej i tiij pan akʼachariik?
CHAREQ RUMAN
Chanabʼeej i wuquubʼ chi pahqanik inkibʼan taqeh kʼachareel chi riij i tiij.
«Wuquubʼ chi pahqanik chi riij i tiij» (La Atalaya, 1 reh octubre reh 2010)
Chawil chaaj woʼ reet ko ruman chi reʼ hat ne nabʼan atiij eh chi reʼ taqeh naʼaqʼorom nareliik cho pan awanima.
Chawil chi reʼ Santo Laj Huuj irukʼuhtaaj ajwach uukʼ naqabʼanam qatiij.
«¿Holohik na chi ne inqabʼan qatiij chuwach taqeh korsimaj tyoox?» (Naʼojbʼal reh jw.org)
Chawil i tzʼuuy pan video eh chakoj rehtaal nikʼ eh ahaʼ ne nabʼan atiij.
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
