¿Hat na poninaq pan kimoloj iibʼ taqeh testigo reh Jehová? Mi maʼ hat poninaq, mareh ne inchalik ayoʼjiik mi ko reʼ peet aweh. Mareh inakapaaj: «¿Chajariik inkibʼan taqeh Testigo pan kimoloj iibʼ? ¿Chaaj woʼ reet ko ruman chi keh taqeh moloj iibʼ? ¿Ne ta woʼ irubʼan chi ne kinponik i hin?». Chupaam i tijinik wilih naʼatijem chi reʼ taqeh moloj iibʼ ne irukoweej awamigohiil ruukʼ i Dios eh ne tirutobʼeej pan akʼachariik.

1. ¿Ajwach inqayeew ruloqʼil pan moloj iibʼ?

Jenaj ajtzʼihbaneel reh i Santo Laj Huuj xuqʼor chaaj woʼ reet ko ruman i moloj iibʼ, reʼ reh xuqʼor: «Pan nimlaj molaabʼ nanuyeʼem ruloqʼil i Jehová» (Salmo 26:12, TNM). Yuʼnaak, reʼ taqeh testigo reh Jehová inkimol kiibʼ eh iruyeew rusuqkiil kikʼux. Chuʼnchel taqeh xamaano chi junsut i akʼal, reʼ taqeh testigo reh Jehová inkimol kiibʼ reh ruloqʼjiik eh rutzʼuyjiik i Dios eh reh rubʼanariik kitiij chuwach. Eh juʼjun pech chuwach i haabʼ inkimol kiibʼ chi kʼihaal.

2. ¿Chajariik ne natijej chupaam taqeh qamoloj iibʼ?

Chupaam taqeh moloj iibʼ inkʼuhtjik chi riij i ruqʼorbʼal i Dios eh inkichʼobʼ rubʼehel chajariik iraaj ruqʼorom (chawil Nehemías 8:8). Mi reʼ hat xatponik ne inatijej chi riij i Jehová eh chi riij taqeh ruholohik naʼojbʼal. Noq ne nanabʼeej chi tiraaj ne nawaaj chi hat ramigo. Na woʼ anabʼeem chi reʼ reh ne tirutobʼeej chi ne inwihʼik rukorkiil akʼachariik (Isaías 48:​17, 18).

3. ¿Nikʼwach ne qojrutobʼeej pan qakʼachariik runabʼjiik chi kiij i kiponik pan moloj iibʼ?

Reʼ Jehová iruqʼor qeh chi reʼ hoj «juneliik qakʼuhtaaj i kʼaxooj chi qawach reh rukowbʼisjiik qakʼux eh rubʼanariik i holohik, maʼ qakanaaʼ rumolariik qiibʼ» (Hebreos 10:​24, 25, TNM). Chupaam taqeh qamoloj iibʼ ne inanabʼeej kiwach taqeh kʼachareel inkikʼax kiibʼ chi korik eh reʼ keh jeʼ rukabʼ i hat inkaaj kitijem kiibʼ chi riij i Dios. Ar ne nabʼiraj taqeh holohik qʼorik inkiyeew isamaj pan Santo Laj Huuj eh ne irukowbʼisaj akʼux (chawil Romanos 1:​11, 12). Neʼ woʼ tiqʼorik kuukʼ taqeh kaxaro eh i maʼ kaxaro ta taqeh eh ne inkiqʼor aweh i xtobʼinik keh pan reh reh wach kʼaxkilal. Reʼ wilih xa kiʼibʼ ixibʼ ruwiiʼ reh chaaj woʼ reet i Jehová iraaj chi ne inqamol qiibʼ.

 CHATZʼIR RIIJ I KʼAHCHIʼ ATIJEM

4. Reʼ kimoloj iibʼ taqeh testigo reh Jehová

Pan peet siglo reʼ taqeh ajnimaneel inkimol naq kiibʼ reh ruloqʼjiik i Jehová (Romanos 16:​3-5). Chawil taq Colosenses 3:16 eh tiqʼoroq taq chi riij:

• ¿Nikʼwach naq ruloqʼjiik i Dios inkibʼan taqeh peet ajnimaneel?

1. Chupaam taqeh qamoloj iibʼ inyeʼarik kʼuhbʼaal, inbʼaan kʼuhtanik, eh inkʼuhtjik video. Intihkʼik eh inkuxik ruukʼ jenaj tzʼuuy eh tiij.

2. Reʼ kiponik pan moloj iibʼ ne rubʼan chi ne inkiyeew juʼjun kiqʼorbʼal chi riij i kʼahchiʼ kitijem.

3.   Ne rubʼan chi ne kiponik winaq, ixoq, nim kihabʼul eh taqeh halakʼun...

4. Reʼ kimoloj iibʼ taqeh testigo reh Jehová xa chi sih. Maʼ inpahqaljik ta tumiin ni xa ta intojarik i okbʼal.

5. Naqachopom qakʼux reh ponik chupaam taqeh moloj iibʼ

• ¿Chaaj woʼ reet naqokrisam qiibʼ reh ponik pan moloj iibʼ?

 KʼOLOQ PAN AKʼUX

Reʼ ponik pan moloj iibʼ irubʼan chi ne natijej chi riij i Jehová, ne nakowej awamigohiil ruukʼ eh ne naloqʼej chi kixilak taqeh kʼachareel inkiyeew ruloqʼil.

Reʼ xkahnik pan akʼux

• ¿Chaaj woʼ reet qojruyuqʼeej i Jehová reh ponik pan moloj iibʼ?

• ¿Chajariik ne natijej pan kimoloj iibʼ taqeh testigo reh Jehová?

• ¿Nikʼwach chik ruwiiʼ ne tirutobʼeej taqeh moloj iibʼ?