LECCIÓN 35
¿Chajariik naqabʼanam reh chi ne inqachih i holohik pan qakʼachariik?
Chi qunchelaal wilik inqachih pan qakʼachariik. Reʼ taqeh inqachih irubʼan chi ne inqajal i qakʼachariik eh i qamigohiil ruukʼ i Jehová. Jeʼ rukabʼ noq inqachih ahaʼ naqapatiniik eh nikʼwach naqakʼuxlaam qiibʼ, eh mi naqabʼanam kaxaro oon maʼchih ta. Mi inqachih i holohik suq qakʼux eh ne inqasuqbʼisaj rukʼux i Jehová.
1. ¿Nikʼwach ne tirutobʼeej i Santo Laj Huuj reh chi ne inachih i holohik pan akʼachariik?
Noq ne inachih i naʼabʼanam pan akʼachariik, chapahqaaj atobʼal reh i Jehová eh chasikʼ pan Santo Laj Huuj chajariik irukapaaj chi riij i naʼabʼanam (chawil Proverbios 2:3-6). Wilik pech ne inawil chi reʼ Jehová iruyeew jenoʼ kʼuhbʼaal tʼanlik wach chi riij i naʼabʼanam eh mi jeʼ reʼ, ko ruman chi ne inanimaj.
Xa reʼ laʼ ¿chajariik naʼabʼanam noq maʼxta pan Santo Laj Huuj jenoʼ kʼuhbʼaal iruqʼor aweh i naʼabʼanam? Mi jeʼ reʼ ko ruman chi ne inkʼulik pan akʼux chi reʼ Jehová ne inkʼamwik aweh «chupaam i bʼeeh i rukʼuul» chaweh (Isaías 48:17). ¿Nikʼwach irukʼam qabʼeeh i Jehová? Irukʼam qabʼeeh ruukʼ taqeh naʼojbʼal inqatijej pan Santo Laj Huuj. Reʼ taqeh naʼojbʼal inqatijej pan Santo Laj Huuj qojruyeew chi kapebʼinik eh jeʼ reʼ inqareq chi riij irukapaaj i Jehová eh jeʼ woʼ irikʼraaj, jeʼ rukabʼ noq inqil chi riij i rukʼachariik jenoʼ rajkamanoon pan Santo Laj Huuj. Runabʼjiik chajariik irukapaaj i Jehová irubʼan chi reʼ inqachih pan qakʼachariik ne imponik chuwach.
2. ¿Ahaʼ wilik taqeh pahqanik naʼakojom pan ruman noq naʼachihiim i naʼabʼanam pan akʼachariik?
Reʼ Santo Laj Huuj iruqʼor chi «reʼ wilik runaʼojbʼal, korukoj rehtaal chibʼih rubʼan» (Proverbios 14:15). Reʼ wilih iraaj ruqʼorom chi noq ko majaaʼ inachih i naʼabʼanam naʼakapaam chi riij taqeh pahqanik wilih: «¿Ahaʼ wilik taqeh naʼojbʼal nutijem pan Santo Laj Huuj irukʼam riibʼ ruukʼ i nanubʼanam? ¿Suq na ne kirukanaaʼ i nanuchihiim? ¿Chajariik ne inkiqʼor chi riij i nanuchihiim taqeh tokoom? Eh reʼ xti aajwaal wach ¿Ne na irusuqbʼisaj rukʼux i Jehová?» (Deuteronomio 32:29).
Reʼ Dios wilik qʼabʼ reh chi ne iruqʼor qeh i holohik chi bʼanarik eh i maʼ holohik ta chi bʼanarik. Noq inqanabʼeej taqeh rukʼuhbʼaal reʼ irutaqʼaaʼ chi naqabʼanam eh taqeh naʼojbʼal inqatijej pan Santo Laj Huuj ne inqaaj qanimam, reh chi saq wach i qakapebʼaal. Reʼ kapebʼal iruqʼor qeh i holohik chi bʼanarik eh i maʼ holohik ta chi bʼanarik (Romanos 2:14, 15). Noq inqakʼuhbʼalej i qakapebʼaal ne qojrutobʼeej ruchihariik i holohik pan qakʼachariik.
CHATZʼIR RIIJ I KʼAHCHIʼ ATIJEM
Naqatzʼirim kʼisinoq chik chi riij chaaj woʼ reet ko ruman taqeh naʼojbʼal inqatijej pan Santo Laj Huuj eh nikʼwach inkamanik i kapebʼal noq wilik i naqachihiim pan qakʼachariik.
3. Chakanaaʼ chi reʼ Santo Laj Huuj ne irukʼam abʼeeh
¿Nikʼwach irukʼam qabʼeeh taqeh naʼojbʼal inqatijej pan Santo Laj Huuj noq wilik i naqachihiim pan qakʼachariik? Chawil taq i VIDEO eh tiqʼoroq taq chi riij:
-
Jeʼ rukabʼ xawil pan video, ¿chaaj woʼ reet holohik chi maʼ ajwach ta ne iruqʼor qeh chajariik naqabʼanam?
-
¿Chaaj woʼ reet i Jehová xuyeew qʼabʼ qeh chi ne inqachih i naqabʼanam?
-
¿Ahaʼ wilik i kiʼibʼ chi kamambʼal xuyeew qeh i Dios reh chi ne inqachih i holohik pan qakʼachariik?
Naqilom jenaj naʼojbʼal inqatijej pan Santo Laj Huuj, chawil taq i Efesios 5:15, 16. Chi riij i reʼ tiqʼoroq taq chi riij nikʼwach ne inkojarik chi korik i qʼiij reh...
-
... rilariik iqal iqal i Santo Laj Huuj.
-
... chi hoj manlik bʼahilbʼees, ehkʼenkʼees, ajabʼees eh akʼunbʼees.
-
... ojik chupaam taqeh moloj iibʼ reh i molaabʼ.
4. Chakʼuhbʼalej akapebʼaal reh chi ne inachih i holohik
Noq wilik jenoʼ kʼuhbʼaal reh i Santo Laj Huuj eh iruqʼor i naʼabʼanam mareh maʼ kʼaxik ta chaweh i naʼachihim. Xa reʼ laʼ, mi maʼxta jenoʼ kʼuhbʼaal iruqʼor aweh i naʼabʼanam ¿chajariik naʼabʼanam? Chawil taq i VIDEO eh tiqʼoroq taq chi riij:
-
Jeʼ rukabʼ xqil pan video, ¿chajariik xubʼan i hermana reh chi saq wach i rukapebʼaal eh chi xusuqbʼisaj rukʼux i Jehová?
¿Chaaj woʼ reet maʼ ne ta irubʼan chi ne inqapahqaaj keh i tokoom chi ne inkiqʼor qeh i naqabʼanam? Chawil taq i Hebreos 5:14 eh tiqʼoroq taq chi riij:
-
Maʼ kʼaxik ta rupahqaljiik keh i tokoom chi ne inkiqʼor qeh i naqabʼanam, xa reʼ laʼ ¿chaaj woʼ reet ko ruman chi ne inqatijej rureqariik chi riij ahaʼ wilik i holohik naʼojbʼal?
-
¿Chajariik chi kamambʼal ne qojrutobʼeej reh rukʼuhbʼaljiik i qakapebʼaal eh chi ne inqachih i holohik?
Reʼ kapebʼal jeʼ rukabʼ i mapa, qojrutobʼeej rehtʼaljiik ahaʼ naqojiik pan qakʼachariik.
5. Chakoj pan ruman i kikapebʼaal taqeh tokoom
Chi qunchelaal maʼ jenaj ta qawach eh maʼ jenaj ta wach inqachih. ¿Nikʼwach inqakʼuhtaaj chi inqakoj pan ruman i kikapebʼaal taqeh tokoom? Qil kiʼibʼ ehtalil chi riij i wilih.
Reʼ peet: Jenaj hermana irukoj maquillaje reh i ruwach eh noq inooj pan jenaj chik molaabʼ irukoj rehtaal chi reʼ taqeh hermana wilkeebʼ ar maʼ inkikʼax ta wach chi ne irukoj maquillaje.
Chawil taq i Romanos 15:1 eh i 1 Corintios 10:23, 24, eh tiqʼoroq taq chi riij:
-
Jeʼ rukabʼ iruqʼor taqeh texto, ¿chajariik naq ne irubʼan i hermana? Raaj i hat, ¿chajariik naq ne nabʼan mi jenoʼ kʼachareel maʼ suq ta irikʼraaj riibʼ ruukʼ inabʼan?
Reʼ rukabʼ: Jenaj hermano rehtʼal chi reʼ Santo Laj Huuj maʼ iruqʼor ta chi mahk rubʼanariik kʼisinoq i kʼah laj haʼ, xa reʼ laʼ reʼ hermano maʼ iraaj ta runikʼeem kʼisinoq i kʼah laj haʼ. Jenaj pech xkiyuqʼeej pan jenaj wiʼk eh xril chi reʼ taqeh hermano kʼahchiʼ kukʼem kʼisinoq kikʼah laj haʼ.
Chawil taq i Eclesiastés 7:16 eh i Romanos 14:1, 10, eh tiqʼoroq taq chi riij:
-
Jeʼ rukabʼ iruqʼor taqeh texto wilih, ¿chajariik naq ne irubʼan i hermano? ¿Chajariik naq ne nabʼan noq ne inawil chi jenoʼ kʼachareel, irubʼan reh i maʼ ne ta naq inabʼan i hat?
¿Chajariik ne intobʼinik aweh reh chi ne inachih i holohik?
1. Chapahqaaj reh i Jehová chi ne tirutobʼeej ruchihariik i naʼabʼanam (Santiago 1:5).
2. Chasikʼ anaʼojbʼal pan Santo Laj Huuj eh chupaam taqeh qahuuj reh chi ne inareq taqeh naʼojbʼal irukʼam riibʼ ruukʼ i naʼachihiim. Eh ne woʼ irubʼan chi ne inapahqaaj anaʼojbʼal keh taqeh hermano kow pan uxlabʼal.
3. Chakapaaj chajariik ne nawikʼraaj ruukʼ i naʼachihiim eh chajariik ne inkiqʼor taqeh tokoom.
REʼ INKIQʼOR I JUʼJUN: «Reʼ hat chabʼan chajariik inawaaj. ¡Maʼxta qʼorik reh chajariik ne inkiqʼor taqeh tokoom!».
-
¿Chaaj woʼ reet naqakojom pan ruman irukapaaj i Dios eh reʼ inkikapaaj i tokoom?
KʼOLOQ PAN AKʼUX
Inqachih i holohik pan qakʼachariik noq inqanabʼeej chajariik irukapaaj i Jehová chi riij i naqabʼanam eh inqakoj woʼ pan ruman chajariik ne inkikapaaj taqeh tokoom.
Reʼ xkahnik pan akʼux
-
¿Chajariik naʼabʼanam i hat reh chi reʼ i naʼachihiim ne imponik chuwach i Jehová?
-
¿Chajariik naʼabʼanam reh rukʼuhbʼaljiik akapebʼaal?
-
¿Nikʼwach ne inakʼuhtaaj chi inakoj pan ruman i kikapebʼaal taqeh tokoom?
CHAREQ RUMAN
¿Chajariik naʼabʼanam reh chi reʼ i naʼachihiim ne irukowej awamigohiil ruukʼ i Dios?
«Qachih taqeh holohik reh chi ne inqayeew ruloqʼil i Dios» (La Atalaya, 15 reh abril reh 2011)
Chareq chi riij i qakʼuhbʼaljik irubʼan i Jehová.
Chanabʼeej chajariik xtoobʼinik reh jenaj winaq reh rukanabʼjiik i kʼoʼnik pelota atoobʼ ta kʼaxik naq chi reh.
Chawil nikʼwach ne nasuqbʼisaj rukʼux i Jehová noq maʼxta jenoʼ kʼuhbʼaal iruqʼor aweh i naʼabʼanam.
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
