LECCIÓN 41
¿Chajariik iruqʼor i Santo Laj Huuj chi riij i yohkik ruukʼ jenoʼ kʼachareel?
Kʼih taqeh kʼachareel maʼ inkikʼax ta wach qʼorik chi riij i yohkik ruukʼ jenoʼ. Xa reʼ laʼ noq reʼ ruqʼorbʼal i Dios inqʼorik chi riij, iruqʼor qeh pan rukorkiil eh chi tʼanlik wach. Reʼ iruqʼor qeh chi riij i wilih inkamanik qeh eh korik ruum chi reʼ Santo Laj Huuj inchalik ruukʼ i Jehová. Reʼ reh xtzʼuhkrisanik qeh eh rehtʼal i holohik chi qeh. Irukʼuhtaaj qeh nikʼwach ne inqasuqbʼisaj rukʼux ruukʼ i qabʼanooj eh iruqʼor qeh chi ne inqasuqkileej i qakʼachariik yuʼnaak eh chi juneliik.
1. ¿Chajariik iruqʼor i Jehová chi riij i yohkik ruukʼ jenoʼ kʼachareel?
Reʼ yohkik ruukʼ jenoʼ kʼachareel jenaj kooch iruyeew qeh i Jehová. Reʼ reh iraaj chi jenaj winaq eh jenaj ixoq ne inkisuqkileej i yohkik chi kiwach wilaʼ kaxaro taqeh. Reʼ kooch wilih irubʼan chi reʼ taqeh kaxaro ne inwihʼik kihalakʼuun eh ne inkikʼuhtaaj i kikʼaxooj chi kiwach eh ne inkisuqkileej i kikʼachariik. Ruum aj reʼ, reʼ ruqʼorbʼal i Dios iruqʼor: «Chasuqkileej i wihʼik ruukʼ awehkʼeen reh akʼijolal» (Proverbios 5:18, 19, TNM). Reʼ Jehová iraaj chi reʼ taqeh ajnimaneel korik wach i kikʼux pan kikaxaro, ruum aj reʼ jenoʼ ajnimaneel maʼ ne ta irubʼan chi ne ruchʼuwaʼrisaj wach i rukaxaro ruukʼ i kʼoyomal (chawil Hebreos 13:4).
2. ¿Chajariik i kʼoyomal?
Reʼ Santo Laj Huuj irukʼuhtaaj chi reʼ taqe aj kʼoyomal maʼ naa ta kokiik pa runimaal rajaawriik i Dios (1 Corintios 6:9, 10). Reʼ taqeh xitzʼihbʼanik reh i Santo Laj Huuj noq xiqʼorik chi riij i kʼoyomal xkikoj i qʼorik griego pornéia. Reʼ qʼorik wilih irukʼam cho 1) yohkik ruukʼ jenoʼ kʼachareel mi maʼ kaxaro ta taqeh, a 2) mahkunik ruukʼ kuch winaq oon mahkunik ruukʼ kuch ixoq 3) eh yohkik ruukʼ taqeh chikop. Noq maʼ inqabʼan ta qeh taqeh kʼoyomal wilih inqasuqbʼisaj rukʼux i Jehová eh inqasuqkileej i qakʼachariik (1 Tesalonicenses 4:3).
CHATZʼIR RIIJ I KʼAHCHIʼ ATIJEM
Qil chajariik naʼabʼanam reh chi maʼ ne ta tiqʼehbʼik pan kʼoyomal eh chajariik taqeh kooch ne nakʼul wilaʼ saq wach atijoʼlaal eh akʼapebʼaal.
3. Tiʼeloq chuwach i kʼoyomal
Reʼ José jenaj winaq korik naq wach rukʼux, maʼ xqʼehbʼik ta pan kʼoyomal eh xubʼan chi saq wach i rukʼachariik. Chawil taq i Génesis 39:1-12 eh tiqʼoroq taq chi riij:
-
¿Chaaj woʼ reet i José maʼ xyohkik ta ruukʼ ixoq eh xelik chuwach? (Chawil taq i versículo 9).
-
¿Inaqʼor na chi holohik xubʼan i José? ¿Chaaj woʼ reet?
¿Nikʼwach ne inkitijej keh taqeh kʼijool i rehtalil i José reh elik chuwach i kʼoyomal? Chawil taq i VIDEO.
Reʼ Jehová iraaj chi ne qojelik chuwach i kʼoyomal. Chawil taq i 1 Corintios 6:18 eh tiqʼoroq taq chi riij:
-
¿Chaaj woʼ reet jenoʼ kʼachareel ne inqʼehbʼik pan kʼoyomal?
-
¿Chajariik ne nabʼan i hat reh chi maʼ ne ta tiqʼehbʼik pan kʼoyomal?
4. Ne tiʼelik korik chupaam i pajarik
¿Chajariik irubʼan chi ne inqakʼaxkileej rixowjiik wach i kʼoyomal? Chawil taq i VIDEO eh tiqʼoroq taq chi riij:
-
Noq reʼ hermano xukoj rehtaal chi reʼ i rukapebʼaal eh i rubʼanooj ne naq irubʼan chi ne irukanaaʼ i rehkʼeen, ¿chajariik xubʼan?
Atoobʼ ta korik wach kikʼux taqeh ajnimaneel kijotʼarik woʼ ruum i kikapebʼaal, ruum aj reʼ inkibʼan chuʼnchel i wilik pan kiqʼabʼ reh chi saq wach i kikapebʼaal. ¿Chajariik ne nabʼan i hat reh chi maʼ ne ta inakapaaj i kʼoyomal? Chawil taq i Filipenses 4:8 eh tiqʼoroq taq chi riij:
-
Jeʼ rukabʼ xawil pan texto, ¿chi riij chajariik ne nakapaaj?
-
¿Inakapaaj na chi reʼ rilariik paam i Santo Laj Huuj eh ruloqʼjiik wach i Jehová ne irubʼan chi ne inakuy ransil taqeh pajarik? ¿Chaaj woʼ reet inaqʼor?
5. Reʼ taqeh rukʼuhbʼaal i Jehová ne qojrutobʼeej pan qakʼachariik
Reʼ Jehová rehtʼal chajariik i holohik chi qeh. Ruum aj reʼ iruqʼor qeh chi saq oq wach i qakapebʼaal eh i qatiʼjolal eh iruqʼor woʼ qeh taqeh kooch inchalik noq saq wach i qakʼachariik. Chawil taq i Proverbios 7:7-27 eh chawil taq i VIDEO. Chi riij i reʼ tiqʼoroq taq chi riij:
-
¿Nikʼ hora reh i qʼiij eh ahaʼ naq bʼehik irubʼan i kʼijool noq xumin riibʼ pan kʼaxkilal? (Chawil taq Proverbios 7:8, 9).
-
Jeʼ rukabʼ iruqʼor i Proverbios 7:23, 26, reʼ kʼoyomal tiʼ kʼaxik irukʼam cho. ¿Chajariik taqeh kʼaxkilal maʼ ne ta inqakʼul mi saq wach i qakʼachariik?
-
Ruum chi saq wach i qakapebʼaal eh i qatiʼjolal, ¿nikʼwach qojrutobʼeej i wilih reh chi ne inqasuqkileej i qakʼachariik yuʼnaak eh chi juneliik?
Chi keh i juʼjun chi kʼachareel reʼ iruqʼor i Santo Laj Huuj chi kiij taqeh i winaq ixoq oon ixoq winaq maʼ irukʼuhtaaj ta i rukʼaxooj i Dios. Xa reʼ laʼ, reʼ Jehová jenaj Dios ajkʼaxool eh iraaj chi chuʼnchel taqeh kʼachareel ne inkisuqkileej i kikʼachariik yuʼnaak eh chi juneliik. Eh reh chi ne inqakʼul i kooch wilih naqakojom pan qakʼachariik taqeh rukʼuhbʼaal. Chawil taq i 1 Corintios 6:9-11 eh tiqʼoroq taq chi riij:
-
¿Iruqʼor na i Dios chi xa reʼ i kibʼanooj taqeh winaq ixoq oon ixoq winaq maʼ holohik ta? ¿Oon wilik chik jenoʼ naʼojbʼal maʼ imponik ta chuwach?
Reh chi ne inqasuqbʼisaj rukʼux i Dios, chi qunchelaal wilik taqeh i naqajalam. ¿Ko ruman na chi wilik i ne inqajal pan qakʼachariik? Chawil taq i Salmo 19:8, 11 eh tiqʼoroq taq chi riij:
-
¿Inaqʼor na i hat chi reʼ taqeh rukʼuhbʼaal i Jehová chi saq wach i qakapebʼaal eh i qatiʼjolal holohik chi qeh? ¿Chaaj woʼ reet jeʼ reʼ inaqʼor?
REʼ INKIQʼOR I JUʼJUN: «Maʼxta qʼorik reh mi kiʼibʼ chi kʼachareel ne kiyohkik chi kiwach xa reʼ laʼ mi inkaaj kiibʼ».
-
¿Chajariik naq ne naqʼor i hat?
KʼOLOQ PAN AKʼUX
Reʼ yohkik ruukʼ jenoʼ kʼachareel jenaj kooch iruyeew qeh i Jehová, reʼ reh iraaj chi jenaj winaq eh jenaj ixoq ne inkisuqkileej i yohkik chi kiwach wilaʼ kaxaro taqeh.
Reʼ xkahnik pan akʼux
-
¿Chajariik taqeh irukʼam cho i kʼoyomal?
-
¿Chajariik ne qojrutobʼeej reh chi maʼ ne ta qojqʼehbʼik pan kʼoyomal?
-
¿Nikʼwach ne qojrutobʼeej pan qakʼachariik taqeh rukʼuhbʼaal i Jehová reh chi saq wach i qakapebʼaal eh i qatiʼjolal?
CHAREQ RUMAN
Chatzʼir riij chaaj woʼ reet iruqʼor i Dios chi jenaj winaq eh jenaj ixoq ne inkibʼan kaxaro mi inkaaj patinik kikabʼcheel.
Chanabʼeej chaaj woʼ reet reʼ iruqʼor i Santo Laj Huuj chi riij i winaq ixoq oon ixoq winaq maʼ reʼ ta ixowanik eh maʼ reʼ ta reh chi tokoom kilarik ne inqabʼan.
Chawil nikʼwach qojrukoʼleej taqeh rukʼuhbʼaal i Dios chi riij i yohkik ruukʼ jenoʼ kʼachareel.
¿Chajariik xtoobʼinik reh jenaj winaq reʼ inyohkik naq ruukʼ i ruch winaq, reh chi xujal wach i rukʼachariik reh rubʼanariik iraaj i Dios? Chawil chi riij i rukʼachariik ahaʼ wiiʼ iruqʼor: «Xinkikʼul pan chaqʼlamiil».
«Reʼ Santo Laj Huuj xjalwik reh i kikʼachariik» (La Atalaya, 1 reh abril reh 2011)
a Jeʼ rukabʼ noq jenoʼ kʼachareel i rumin i rukʼachaabʼ pan ruchiiʼ jenoʼ chik kʼachareel oon noq i rumin i rukʼachaabʼ chiʼ ruyuhbʼ jenoʼ chik kʼachareel, reʼ kʼoyomal iraaj woʼ ruqʼorom noq inkimajej eh inkitzʼaʼaj i kikʼachaabʼ chi kiwach.