Reʼ taqeh manlik amigo inkibʼan chi suq qakʼux eh noq tiʼ qakʼux qojkitobʼeej reh chi reʼ qakʼaxkilaal maʼ nim ta wach. Xa reʼ laʼ chawikʼraaj awiibʼ ruum chi reʼ Santo Laj Huuj iruqʼor chi maʼ chuʼnchel ta taqeh amigo manlik amigo taqeh. Jeʼ reʼ noq, ¿nikʼwach ne nachih chi korik taqeh awamigo? Chatzʼir riij taqeh pahqanik chalik reh.

1. ¿Chajariik inkikʼuhtaaj aweh taqeh awamigo?

Kʼih pech taqeh qamigo ne inkikʼuhtaaj qeh i holohik oon reʼ maʼ holohik ta, jeʼ rukabʼ noq ne inqikʼsaj qʼiij kuukʼ chi wachiil oon pan internet. Jeʼ reʼ iruqʼor i Santo Laj Huuj: «Awach i xutahqeej taqe i holohik kinaʼojbʼal, naa ruwihiik runaʼojbʼal. Eh awach xutahqeej taqe i maʼ kinimanik taj, [reʼ taqeh kʼachareel reʼ maʼ inkaaj ta wach i Jehová] naa ruqʼebʼem riibʼ» (Proverbios 13:​20). Reʼ taqeh amigo inkaaj wach i Jehová eh inkiyeew ruloqʼil, ne tikitobʼeej reh wihʼik chi rucheel eh chi ne inachih i holohik pan akʼachariik. Xa reʼ laʼ mi reʼ hat wilik taqeh awamigo maʼ reʼ ta taqeh testigo reh Jehová ne tikisaj ruukʼ i Jehová. Ruum aj reʼ, reʼ Santo Laj Huuj iruqʼor qeh chi naqachihiim chi korik taqeh qamigo. Noq wilik taqeh qamigo inkaaj wach i Dios qojelik korik. Jeʼ reʼ ne inqakʼam naah i naʼojbʼal wilih: «Kʼul taq chayeew rukowiil akʼux chawach, kʼul taq chatoobʼeej awiibʼ chawach» (1 Tesalonicenses 5:​11).

2. ¿Irukʼax na wach i Jehová chi xa ajwach taqeh awamigo?

Reʼ Jehová iruchih wach chi korik taqeh ramigo eh iruqʼor qeh chi «reʼ i korik wach kikʼux, raʼj imponik chuwach reʼ» (Proverbios 3:​32). ¿Chajariik naq ne irikʼraaj i Jehová mi wilkooj kuukʼ taqeh kʼachareel reʼ maʼ inkaaj ta wach? ¡xti ne naq intiʼbʼik rukʼux! (Chawil Santiago 4:4). Xa reʼ laʼ, mi reʼ hoj maʼ qojwihʼik ta kuukʼ taqeh maʼ holohik ta i kinaʼojbʼal ne inqasuqbʼisaj rukʼux i Jehová, ne inqajil qiibʼ ruukʼ eh jeʼ woʼ ruukʼ taqeh ramigo eh ne iruyeew qeh i ramigohiil (Salmo 15:​1-4).

 CHATZʼIR RIIJ I KʼAHCHIʼ ATIJEM

4. Ne rubʼan chi ne inwihʼik holohik qamigo atoobʼ ta maʼ jenaj ta wach i qahabʼul eh i qakʼachariik

Reʼ Santo Laj Huuj inqʼorik chi riij i David eh i Jonatán, kiʼibʼ winaq reh i najtir Israel. Atoobʼ ta maʼ jenaj ta naq wach i kihabʼul eh i kikʼachariik xkibʼan chi manlik amigo taqeh. Chawil taq i 1 Samuel 18:1 eh tiqʼoroq taq chi riij:

• ¿Chaaj woʼ reet maʼ ko ruman ta chi jenaj wach i qahabʼul eh i qabʼehomal ruukʼ taqeh qamigo?

Chawil taq i Romanos 1:​11, 12 eh tiqʼoroq taq chi riij:

• ¿Nikʼwach inkiyeew rukowiil kikʼux chi kiwach taqeh amigo reʼ inkaaj wach i Jehová?

¿Ahaʼ xureq ramigo jenaj kʼijool ahaʼ wiiʼ maʼ rukapaam ta naq? Chawil taq i VIDEO eh tiqʼoroq taq chi riij:

• ¿Chaaj woʼ reet maʼ suq ta xubʼan keh i rajaaw i Akil taqeh ramigo wilik naq reh pan tijinbʼal?

• ¿Chaaj woʼ reet i Akil imponik naq chuwach wihʼik ruukʼ taqeh amigo reʼreʼ?

• ¿Chajariik xubʼan reh chi maʼ ne ta naq chik irikʼraaj chi rutkeel wilik?

 5. Nikʼwach ne inqareq taqeh manlik amigo

 KʼOLOQ PAN AKʼUX

Noq inqachih chi korik taqeh qamigo, qojelik korik eh inqasuqbʼisaj rukʼux i Jehová.

Reʼ xkahnik pan akʼux

• ¿Chaaj woʼ reet i Jehová maʼ irukʼax ta wach chi xa ajwach taqeh qamigo?

• ¿Nikʼwach i kinaʼojbʼal taqeh awamigo naʼasikʼim?

• ¿Chajariik naʼabʼanam reh chi kow awamigohiil ruukʼ taqeh kʼachareel holohik i kinaʼojbʼal?