Reʼ Jehová reʼ i «Dios reh i suqkiil kʼuxliis» (1 Timoteo 1:​11, TNM). Reʼ Jehová iraaj chi suq qakʼux eh chi ne inqasuqkileej i kʼacharik. Reʼ reh imponik chuwach chi maʼ inqikʼsaj ta qʼiij chi kamanik iraaj laʼ chi ne inqisaj qaqʼiij reh hiʼlik. Pan tijinik wilih naqilom juʼjun ruwiiʼ reh nikʼwach naqachamam wiiʼ qiibʼ reh chi suq qakʼux eh chi reʼ i naqachihiim ne imponik chuwach i Jehová.

1. ¿Chajariik naqakojom pan ruman noq naqachihiim i kʼoʼnik oon i naqachamam wiiʼ qiibʼ?

¿Chajariik inakʼax wach rubʼanariik noq wilik ahiʼlimbʼaal? Juʼjun inkikʼax wach wihʼik pan kipaat reh rilariik wach jenoʼ huuj, rubʼirjiik jenoʼ tzʼuuy, rilariik jenoʼ película oon xa ilooj pan internet. Eh wilik imponik chi kiwach ojik chi bʼehik kuchʼihil taqeh kamigo, kʼoʼnik oon ojik chi muhx. Xa chih paʼ jarik imponik chi qawach, ko ruman chi naqakojom rehtaal chi reʼ inqachih ne «imponik chuwach i QaJaaw» (Efesios 5:​10). Ko ruman chi ne inqareq chi riij chi reʼ i naqachihiim ne imponik chuwach i Jehová. ¿Chaaj woʼ reet? Ruum chi kʼisiin maʼ chuʼnchel reʼ inkicham wiiʼ kiibʼ taqeh kʼachareel oon reʼ inkikʼoʼneej irukʼam riibʼ ruukʼ irixowaaj wach i Jehová jeʼ rukabʼ i peletohinik i kʼoyomal eh i qʼijinik (chawil Salmo 11:5). ¿Chajariik ne intoobʼinik qeh reh ruchihariik i holohik?

Wilaʼ reʼ hoj inqachih qamigo inkikʼax i Jehová, ne inkikʼuhtaaj qeh i holohik pan qakʼachariik eh ne qojkitobʼeej reh ruchihariik chi korik taqeh kʼoʼnik oon reʼ i naqachamam wiiʼ qiibʼ. Jeʼ rukabʼ xqatijej pan lección 48, ajwach i rutahqeej taqeh holohik i kinaʼojbʼal naruwihʼiik runaʼojbʼal. Eh ajwach irikʼsaj qʼiij ruukʼ taqeh kʼachareel reʼ maʼ inkiyeew ta ruloqʼil taqeh rukʼuhbʼaal i Jehová «naa ruqʼebʼem riibʼ» (Proverbios 13:​20).

2. ¿Chaaj woʼ reet ko ruman chi ne inqapaj i qʼiij inqikʼsaj ruukʼ taqeh kʼoʼnik oon reʼ inqacham wiiʼ qiibʼ?

Atoobʼ ta reʼ inqacham wiiʼ qiibʼ holohik, naqikʼraam qiibʼ reh chi maʼ ne ta inqikʼsaj kʼih hora ruukʼ. Ruum chi, wilaʼ najt xqacham wiiʼ qiibʼ maʼ ne ta inkahnik qajunkʼaam reh rubʼanariik taqeh aajwaal wach chi bʼanarik. Reʼ Santo Laj Huuj iruyeew rukowiil qakʼux reh chi pan qakʼachariik ne inqakoj chi korik i qʼiij (chawil Efesios 5:​15, 16, TNM).

 4. Chakoj chi korik aqʼiij

5. Chachih chi reʼ taqeh kʼoʼnik oon reʼ taqeh naʼachamam wiiʼ awiibʼ holohik oq

Wilik juʼjun taqeh kʼoʼnik eh chamaj iibʼ maʼ imponik ta chuwach i Jehová, xa reʼ laʼ wilik taqeh imponik chuwach eh ne irubʼan chi ne inqasuqkileej taqeh. Chawil taq i Eclesiastés 8:​15 eh i Filipenses 4:8, eh tiqʼoroq taq chi riij:

• ¿Chajariik taqeh kʼoʼnik eh chamaj iibʼ imponik chawach?

 KʼOLOQ PAN AKʼUX

Reʼ Jehová iraaj chi ne inqachih taqeh kʼoʼnik eh chamaj iibʼ holohik eh chi ne inqasuqkileej taqeh.

Reʼ xkahnik pan akʼux

• ¿Chajariik chi kʼoʼnik eh chamaj iibʼ maʼ inqabʼan ta i hoj ajnimaneel?

• ¿Chaaj woʼ reet naqikʼraam qiibʼ ruukʼ i qʼiij inqikʼsaj ruukʼ taqeh kʼoʼnik eh chamaj iibʼ?

• ¿Inawaaj na achihim taqeh kʼoʼnik eh chamaj iibʼ imponik chuwach i Jehová? ¿Chaaj woʼ reet?