LECCIÓN 58
Juneliik korik oq wach akʼux ruukʼ i Jehová
Reʼ taqeh manlik ajnimaneel chʼiklik qakʼux chi maʼ ajwach ta ne qojruqʼat reh ruloqʼjiik i Jehová. Qehtʼal chi jeʼ reʼ inawikʼraaj awiibʼ i hat eh reʼ Jehová looqʼ chi reh chi korik wach akʼux ruukʼ (chawil 1 Crónicas 28:9). ¿Chajariik chi kʼaxkilal ne irupaj mi korik wach akʼux ruukʼ i Dios? ¿Eh nikʼwach ne tiʼelik korik chupaam?
1. ¿Chajariik inkibʼan i tokoom, reh chi maʼ korik ta wach qakʼux ruukʼ i Jehová?
Juʼjun taqeh kʼachareel ne inkibʼan chi ne inqakanaaʼ ruloqʼjiik i Jehová. ¿Chajariik inkibʼan? Juʼjun taqeh kʼachareel inkikanaaʼ i korik eh inkiqʼor chukuj qʼorik chi riij i rutinamiit i Dios reh ruyojariik i qakojbʼaal. Reʼ taqeh kʼachareel wilih inabʼjik kiwach chi ajʼjotool reh i rutinamiit i Dios (apóstatas). Wilik woʼ taqeh kʼamal bʼeeh pan iglesia inkiqʼor chukuj qʼorik chi qiij, reh chi reʼ taqeh kʼachareel ne kiqʼehbʼik pan chukuj qʼorik eh ne inkisaj reje kiibʼ chuwach i Jehová. Qʼeʼ yohbʼaal i wolik kuukʼ i kiʼixowanik reh i rutinamiit i Dios, jeʼ woʼ rilariik taqeh kihuuj, taqeh video, taqeh inkitzʼihbʼaaj eh inkijohsaj pan internet. Noq reʼ Jesús xqʼorik chi kiij taqeh kʼachareel reʼ inkaaj chi maʼ korik ta wach i qakʼux ruukʼ i Jehová, xuqʼor: «Chakanaaʼ taq, ruum reʼ keh kʼamal kibʼeeh taqe i kuch moywach Wilaʼ reʼ i moywach xukʼam rubʼeeh i ruch moywach kikabʼcheel nee kiooj qʼehbʼoq panjul» (Mateo 15:14).
2. ¿Chajariik naʼakojom pan ruman noq ne inachih akamaj oon jenoʼ chik naʼabʼanam reh chi korik wach akʼux ruukʼ i Jehová?
Ruum chi inqaaj wach i Jehová, maʼ inqaaj ta chi reʼ naqabʼanam ne ruxilakeej riibʼ ruukʼ i maʼ manlik ta nimanik. Jeʼ rukabʼ ruukʼ i qakamaj, ni xa ta ruukʼ taqeh molaabʼ reʼ intoobʼjik ruum i maʼ manlik ta nimanik. Ruum aj reʼ, ko ruman chi naqakojom rehtaal chi chuʼnchel i naqabʼanam maʼ iruxilakeej ta oq riibʼ ruukʼ i maʼ manlik ta nimanik. Reʼ Jehová iruqʼor reh i rutinamiit: «Eleen taq reje chupaam», xraaj ruqʼorom chi naqeliik reje chupaam i nimlaj Babilonia (Apocalipsis 18:2, 4).
CHATZʼIR RIIJ I KʼAHCHIʼ ATIJEM
Chatzʼir riij chajariik naʼabʼanam reh chi korik wach akʼux ruukʼ i Jehová eh chi maʼ ajwach ta ne injotʼwik reh. Eh chawil woʼ chi reʼ elik chuwach i nimlaj Babilonia irukʼuhtaaj chi korik wach akʼux.
3. Chawikʼraaj awiibʼ ruukʼ taqeh i maʼ manlik ta kʼuhtaneel
¿Chajariik naq ne inqabʼan mi xqabʼiraj taqeh maʼ holohik ta qʼorik chi riij i rutinamiit i Jehová? Chawil taq i Proverbios 14:15 eh tiqʼoroq taq chi riij:
-
¿Chaaj woʼ reet ko ruman chi ne inwihʼik qanaʼojbʼal eh maʼ ne ta inqakoj wach chuʼnchel inkiqʼor?
Chawil taq i 2 Juan 9 ko 11 eh tiqʼoroq taq chi riij:
-
Jeʼ rukabʼ xqil pan texto, ¿ne na inqakʼul pan qapaat eh mi ne naq inqabʼiraj taqeh ajʼjotool reh i rutinamiit i Jehová?
-
Mareh maʼ qojqʼorik ta kuukʼ taqeh ajʼjotool reh i rutinamiit i Jehová xa reʼ laʼ, ¿nikʼwach naq ne inkijotʼ i qakapebʼaal?
-
Mi inqabʼiraj taqeh maʼ holohik ta qʼorik inkibʼan chi riij i Jehová oon chi riij i rutinamiit, ¿chajariik naq ne irikʼraaj i reh?
4. Korik oq wach akʼux ruukʼ i Dios noq jenoʼ hermano irubʼan jenoʼ nimlaj mahk
Mi inqanabʼeej chi jenoʼ hermano reh i molaabʼ xubʼan jenoʼ nimlaj mahk, ¿chajariik ko ruman chi naqabʼanam? Qatzʼir riij jenaj kʼuhbʼaal xuyeew i Jehová reh i rutinamiit Israel. Chawil taq i Levítico 5:1.
Jeʼ rukabʼ iruqʼor i versículo wilih mi xqanabʼeej chi jenoʼ ajnimaneel xubʼan jenoʼ nimlaj mahk, naqaqʼorom keh i kʼamal bʼeeh i qehtʼal chi riij i xubʼan. Xa reʼ laʼ reʼ naqabʼanam chi peet, reʼ chi naqaqʼoriik ruukʼ i ajmahk pan chaqʼlamiil eh naqayeʼem rukowiil rukʼux reh chi ne inqʼorik ruukʼ taqeh kʼamal bʼeeh eh ne iruqʼor keh i mahk xubʼan. Xa reʼ laʼ mi maʼ xqʼorik kuukʼ, reʼ hoj naqaqʼorom keh taqeh kʼamal bʼeeh xkʼuljik ruum chi korik wach i qakʼux ruukʼ i Jehová. ¿Chaaj woʼ reet rubʼanariik taqeh wilih irukʼuhtaaj i qakʼaxooj eh chi korik wach i qakʼux ruukʼ...
-
... i Jehová?
-
... i kʼachareel xmahkunik?
-
... i molaabʼ?
Mi jenoʼ hermano xumin riibʼ pan kʼaxkilal, ¡chatobʼeej!
5. Maʼ amin awiibʼ ruukʼ i nimlaj Babilonia
Chawil taq i Lucas 4:8 eh i Apocalipsis 18:4, 5, eh chatzʼir taq riij taqeh pahqanik wilih:
-
¿Ko tzʼihbʼamaj na i nubʼihnaal chupaam i maʼ manlik ta nimanik?
-
¿Wilkiin na chupaam jenoʼ molaabʼ intoobʼjik ruum i maʼ manlik ta nimanik?
-
¿Irutobʼeej na i maʼ manlik ta nimanik i nukamaj?
-
¿Ko ruman na chi ne inukanaaʼ rubʼanariik chuʼnchel naq taqeh nubʼan chupaam i maʼ manlik ta nimanik?
-
Mi ruukʼ taqeh pahqanik wilih xaqʼor chi ko wilik inabʼan, ¿chajariik i naʼajalam wach?
Mi ko wilik i naʼajalam, chachih i holohik reh chi saq wach akapebʼaal eh chi ne nakʼuhtaaj chi korik wach akʼux ruukʼ i Jehová.
Mi xkiqʼor aweh chi ne titoobʼinik ruukʼ jenoʼ molaabʼ irutobʼeej i maʼ manlik ta nimanik, ¿chajariik naq ne nabʼan i hat?
REʼ INKIQʼOR I JUʼJUN: «Ko ruman chi ne inunabʼeej taqeh chukuj qʼorik inkiqʼor taqeh ajʼjotool reh i rutinamiit i Jehová, reh chi ne nukoʼleej i korik».
-
¿Holohik na i kapebʼinik wilih? ¿Chaaj woʼ reet jeʼ reʼ inaqʼor?
KʼOLOQ PAN AKʼUX
Mi inqaaj chi korik wach i qakʼux ruukʼ i Jehová, ko ruman chi naqeliik chi kixilak taqeh ajʼjotool.
Reʼ xkahnik pan akʼux
-
¿Chaaj woʼ reet maʼ na ta qabʼiram taqeh ajʼjotool reh i rutinamiit i Jehová?
-
¿Chajariik naqabʼanam mi xqanabʼeej chi jenoʼ hermano xubʼan jenoʼ nimlaj mahk?
-
¿Chajariik naqabʼanam reh runimjiik i kʼuhbʼaal, reh chi naqakanaam chi jun pech i maʼ manlik ta nimanik?
CHAREQ RUMAN
Chanabʼeej chajariik naʼabʼanam noq ne nabʼiraj chi kʼahchiʼ kiqʼorom chukuj qʼorik chi riij taqeh testigo reh Jehová.
«¿Korik na i kʼahchiʼ kiqʼorom?» (La Atalaya, reh agosto reh 2018)
¿Nikʼwach ne nanabʼeej mi jenoʼ molaabʼ oon jenoʼ kamanik irutobʼeej i nimlaj Babilonia?
¿Chajariik kibʼanam taqeh kiʼixowanik reh i Jehová reh chi ne inkiyoj i qakojbʼaal?
Chawil chi riij i rukʼachariik jenaj winaq xukanaaʼ i maʼ manlik ta nimanik ahaʼ wiiʼ iruqʼor «Kʼahchiʼ naq nusikʼim i Dios pan nukʼisinaal».
«Reʼ Santo Laj Huuj xjalwik reh i kikʼachariik» (La Atalaya, 1 reh julio reh 2011)
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
