Imponik i qʼiij chi chuʼnchel taqeh ajnimaneel inqʼatjik kiwach, kiʼixowjik eh kitahqaaljik ruum taqeh wilik kajaawriik. ¿Mi ne naq qojyoʼjik ruum i wilih?

1. ¿Chaaj woʼ reet maʼ irusach ta qakʼux chi ne qojtahqaaljik kuum i wilik kajaawriik?

Reʼ Santo Laj Huuj iruqʼor chi «awach inkaaj kʼacharik chi kiqʼasam kiibʼ ree Jesucristo, naa woʼ kikʼiikʼ chi tiʼ kʼaxik i keh ruum ixowaal» (2 Timoteo 3:​12). Reʼ Jesús xtahqaaljik ruum chi reʼ reh maʼ jenaj ta naq wach ruukʼ i wach akʼal ahaʼ wiiʼ intaqʼanik i ajYahm. Eh ruum chi reʼ hoj maʼ jeʼ ta woʼ qakabʼ i wach akʼal, maʼ rusach ta qakʼux chi reʼ taqeh wilik kajaawriik eh juʼjun taqeh molaabʼ reh i maʼ manlik ta nimanik ne qojkitahqeej eh ne qojkixowaaj (Juan 15:​18, 19).

2. ¿Chajariik naqabʼanam reh chi ne inqatiqʼaaʼ qiibʼ, noq ko majaaʼ qojtahqaaljik kuum i wilik kajaawriik?

Ko ruman chi yuʼnaak ne inqakowej qakʼux ruukʼ i Jehová. ¿Nikʼwach rubʼaan i wilih? Naqisam qaqʼiij reh rubʼanariik qatiij iqal iqal eh rilariik wach i ruqʼorbʼal i Dios. Eh maʼ na ta woʼ qakanaam ojik chupaam taqeh moloj iibʼ reh i molaabʼ. Rubʼanariik chuʼnchel i wilih ne iruyeew aweh i aansil ko ruman chaweh reh chi ne nakuy noq ne titahqaaljik kuum i wilik kajaawriik eh jeʼ woʼ noq reʼ taqeh afamilia maʼ ne ta inkiyeew qʼabʼ aweh oon ne tikiqʼat reh ruloqʼjiik i Jehová. Reʼ apóstol Pablo xtahqaaljik woʼ ruum taqeh wilik kajaawriik, ruum aj reʼ xutzʼihbʼaaj: «Reʼ hin reʼ QaJaaw Dios [Jehová] intoobʼinik weh, ruum aj reʼ maʼ kinyoʼjik ta» (Hebreos 13:6).

Jenaj chik ne qojrutobʼeej reh chi kow qakʼux, reʼ qʼoroj kʼuhbʼaal iqal iqal. Reʼ qʼoroj kʼuhbʼaal qojrutobʼeej rukojariik qakʼux ruukʼ i Jehová eh chi maʼ ne ta qojyoʼjik ruum i winaq (Proverbios 29:​25). Mi reʼ hat inakowej akʼux yuʼnaak hat chik tiqilkaat, reh chi maʼ ne ta inakanaaʼ i qʼoroj kʼuhbʼaal noq reʼ taqeh wilik kajaawriik maʼ ne ta inkiyeew qʼabʼ ruqʼorariik (1 Tesalonicenses 2:2).

3. Rukuyariik noq qojtahqaaljik kuum i wilik kajaawriik, ¿ne na qojrutobʼeej pan qakʼachariik?

Korik, maʼ imponik ta chi qawach chi ne qojtahqaaljik. Xa reʼ laʼ, reʼ rukuyariik noq qojtahqaaljik qojrutobʼeej reh chi ne inkowjik i qakojbʼaal. Eh neʼ woʼ inqikʼraaj chi maʼ najt ta wilkooj ruukʼ i Jehová ruum chi qojrutobʼeej noq inqikʼraaj chi maʼxta chik qansik reh elik chupaam i kʼaxkilal (chawil Santiago 1:​2-4). Reʼ Jehová intiʼbʼik rukʼux noq qojikʼik pan tiʼ kʼaxik, xa reʼ laʼ insuqbʼik rukʼux noq iril chi maʼ qojqʼuhtik ta eh chi maʼ inqakanaaʼ ta ruloqʼjiik. Reʼ Santo Laj Huuj iruqʼor: «Wilaʼ nakʼul taq i tiʼ kʼaxik ruum i rubʼanariik i holohik, eh inakuy taq ransil ruukʼ qʼunil, reʼ reʼ qʼe looqʼ chuwach i Dios» (1 Pedro 2:​20). Chi kunchelaal taqeh i korik wach kikʼux eh inkikuy, reʼ Jehová narukuxisam taqeh ruukʼ juneliik kʼacharik pan akʼ akʼal ahaʼ wiiʼ maʼxta chik inixowanik reh i manlik loqʼinik (Mateo 24:​13).

 CHATZʼIR RIIJ I KʼAHCHIʼ ATIJEM

4. Reʼ hat ne nakuy mi reʼ afamalia maʼ inkiyeew ta qʼabʼ aweh oon tikiqʼat reh ruloqʼjiik i Jehová

Reʼ Jesús xuqʼor chi reʼ qafamilia mareh maʼ ne ta inkiyeew qʼabʼ qeh ruloqʼjiik i Jehová eh korik xuqʼor. Chawil taq i Mateo 10:​34-​36 eh tiqʼoroq taq chi riij:

• Noq jenoʼ iruchih ruloqʼjiik i Jehová, ¿chajariik naq ne iruqʼor i rufamilia?

5. Maʼ akanaaʼ ruloqʼjiik i Jehová noq ne titahqaaljik kuum i wilik kajaawriik

 6. Reʼ Jehová ne tirutobʼeej reh chi ne inakuy

 KʼOLOQ PAN AKʼUX

Reʼ Jehová looqʼ chi reh noq inqakowej qakʼux ruloqʼjiik atoobʼ ta ne qojtahqaaljik kuum i wilik kajaawriik. ¡Ruukʼ i rutobʼaal ne inqakuy!

Reʼ xkahnik pan akʼux

• ¿Chaaj woʼ reet i hoj ajnimaneel maʼ irusach ta qakʼux chi ne qojtahqaaljik kuum i wilik kajaawriik?

• ¿Chajariik naʼabʼanam reh chi ne inatiqʼaaʼ awiibʼ noq ko majaaʼ titahqaaljik kuum i wilik kajaawriik?

• ¿Chaaj woʼ reet chʼiklik akʼux chi atoobʼ ta wilik kʼaxkilal ne naloqʼej i Jehová?