Noq xatoqʼaaʼ i tijinik chi riij i Santo Laj Huuj eh ko yuʼnaak kʼih chik i xatijej chi riij i Jehová. Eh ruum aj reʼ, akʼaxooj chi riij i Dios xkʼihik eh mareh xaqʼahsaj chik akʼachariik reh eh xaqahsaj chik ahaaʼ. Eh mi ko majaaʼ inabʼan mareh kʼahchiʼ akapaam rubʼanariik. Xa reʼ laʼ aajwaal wach chi reʼ hat noq aqahsam chik ahaaʼ ma ne ta inakanaaʼ kʼihik pan uxlabʼal. Xa maʼ reʼ ta i reʼ, ne woʼ irubʼan chi ne inakowej awamigohiil ruukʼ i Jehová yuʼnaak eh chi juneliik. Qil nikʼwach.

1. ¿Chaaj woʼ reet ko ruman chi maʼ ne ta inakanaaʼ rukowsjiik awamigohiil ruukʼ i Jehová?

Naqabʼanam chuʼnchel i wilik pan qaqʼabʼ reh rukowsjiik i qamigohiil ruukʼ i Jehová. ¿Chaaj woʼ reet? «Reh chi maʼ nee ta nqakanaaʼ i rubʼeeh» eh reh chi maʼ ne ta qojelik chuwach (Hebreos 2:1). ¿Chajariik ne qojrutobʼeej reh chi maʼ ne ta inqakanaaʼ ruloqʼjiik i Jehová chi korik wach qakʼux? Lahtzʼ oq qawach chi qʼoroj kʼuhbʼaal eh rusikʼariik juʼjun chik ruwiiʼ reh kamanik chuwach i qaDios (chawil Filipenses 3:​16). ¡Reʼ ruloqʼjiik i Jehová pan qakʼachariik reʼreʼ i qʼeʼ holohik chi ne inqabʼan! (Salmo 84:​10).

2. ¿Chajariik i maʼ ne ta akanaam rubʼanariik?

Atoobʼ ta na chik akohlaam i tijinik chi riij i Santo Laj Huuj ruukʼ i huuj wilih, reʼ akʼachariik chi ajnimaneel koreʼ xutoqʼaaʼ. Reʼ Santo Laj Huuj iruqʼor chi kijuʼjunaal taqeh ajnimaneel ko ruman chi nakibʼanam i akʼ naʼojbʼal (Efesios 4:​23, 24). Ko ruman chi maʼ ne ta inakanaaʼ rilariik paam i ruqʼorbʼal i Dios eh tijinik chi riij, jeʼ woʼ ojik chupaam taqeh moloj iibʼ reh i molaabʼ reh chi ne inatijej kʼih chi riij i Jehová eh chi riij i runaʼojbʼal. Chasikʼ jenoʼ chik ruwiiʼ reh chi ne inatijej aweh i runaʼojbʼal i Jehová. Eh chabʼan i wilik pan aqʼabʼ reh rujalariik wach jenoʼ naʼojbʼal maʼ holohik ta reh chi ne nasuqbʼisaj rukʼux i Jehová.

3. ¿Nikʼwach atoobʼjik ne irubʼan i Jehová reh chi ne tikʼihik pan uxlabʼal?

Reʼ Santo Laj Huuj iruqʼor: «Reʼ Dios [...] naa rumanaam wach rukorkiil taq wach awánima. Eh naa taq ruyeʼem rukowiil akʼux, naa taq ruyeʼem akowiil» na taq ruchʼikaam akʼux chi korik (1 Pedro 5:​10). Chi qunchelaal inchalik pajarik chi qanaah, xa reʼ laʼ reʼ Jehová iruyeew qeh i aajwaal wach reh chi ne inqakuy (Salmo 139:​23, 24). Eh iruqʼor woʼ chi naruyeʼem aweh i ajwanik eh jeʼ woʼ i aansil reh ruloqʼjiik chi korik wach akʼux (chawil Filipenses 2:​13).

 CHATZʼIR RIIJ I KʼAHCHIʼ ATIJEM

4. Maʼ akanaaʼ qʼorik ruukʼ i manlik awamigo

Reʼ tiij eh i tijinik chi riij i Santo Laj Huuj xubʼan chi hat chik ramigo i Jehová. Xa reʼ laʼ, ¿inaqʼor na chi reʼ taqeh wilih ne tirujil kʼisinoq chik ruukʼ i Jehová? ¿Chajariik chik ne nabʼan reh chi reʼ taqeh wilih ne tirujil kʼisinoq chik ruukʼ i Jehová?

Chawil taq i Salmo 62:8 eh tiqʼoroq taq chi riij:

• Noq chuʼnchel akʼux inabʼan atiij chuwach i Jehová, ne tirutobʼeej reh chi kow awamigohiil ruukʼ. ¿Chajariik naʼabʼanam reh qʼorik ruukʼ i Jehová ruukʼ chuʼnchel akʼux?

Chawil taq i Salmo 1:2 eh tiqʼoroq taq chi riij:

• Noq inawil iqal iqal i Santo Laj Huuj ne inkowjik awamigohiil ruukʼ i Jehová. ¿Chajariik naq ne nabʼan reh chi ne inawil iqal iqal i Santo Laj Huuj?

¿Nikʼwach ne nabʼan reh chi ne nasuqkileej atijinik chi riij i Santo Laj Huuj chawutkeel? Reh chi ne inawil chajariik inkibʼan taqeh juʼjun, chawil taq i VIDEO. Chi riij i reʼ tiqʼoroq taq chi riij:

• ¿Chajariik taqeh naʼojbʼal xakʼax wach pan video eh inawaaj akojom?

• ¿Chajariik chi naʼojbʼal inawaaj atzʼirim riij pan Santo Laj Huuj?

 KʼOLOQ PAN AKʼUX

Maʼ akanaaʼ rukowsjiik awamigohiil ruukʼ i Jehová eh maʼ akanaaʼ rukapebʼjiik chi riij chajariik chik inawaaj abʼanam reh kʼihik pan uxlabʼal. ¡Jeʼ reʼ ne nasuqkileej i kʼacharik chi juneliik!

Reʼ xkahnik pan akʼux

• ¿Chaaj woʼ reet chʼiklik akʼux chi reʼ Jehová ne tirutobʼeej reh chi ne naloqʼej chi korik wach akʼux?

• ¿Chajariik naʼabʼanam reh chi reʼ awamigohiil ruukʼ i Jehová ne inkowjik?

• ¿Chaaj woʼ reet xti ko ruman chi wilik i naʼabʼanam reh chi ne tikʼihik pan uxlabʼal?