¿Nutiqʼaam na chik wiibʼ?
¿Mi ne chik irubʼan chi ne inuqʼor i kʼuhbʼaal ruukʼ i molaabʼ?
Ne chik irubʼan chi ne tiʼelik chi qʼoroj kʼuhbʼaal atoobʼ ta maʼ qahsimaj ta ahaaʼ, wilaʼ...
... hat okrinaq chi rutzʼirariik riij i Santo Laj Huuj, chi tiij eh ojik chupaam taqeh moloj iibʼ.
... inanimaj eh looqʼ chaweh i kʼahchiʼ atijem, eh inawaaj aqʼorom keh i tokoom.
... inawaaj wach i Jehová eh inasikʼ awamigo inkaaj woʼ wach i Jehová.
... akanaam chik jenoʼ molaabʼ reh política oon akanaam chik i maʼ manlik ta nimanik.
... inakʼam naah taqeh rukʼuhbʼaal i Dios pan akʼachariik eh inawaaj chi hat testigo reh Jehová.
Mi inaqʼor chi ne chik irubʼan chi ne inaqʼor i kʼuhbʼaal, reʼ awajkʼuhtaneel ne inqʼorik kuukʼ taqeh kʼamal bʼeeh, eh reʼ keh ne kiqʼorik awuukʼ mi ne chik irubʼan chi ne tiʼelik chi qʼoroj kʼuhbʼaal.
¿Mi ne chik irubʼan chi ne inuqahsaj nuhaaʼ?
Ne chik irubʼan chi ne inaqahsaj ahaaʼ, wilaʼ...
... tiʼelik chik chi qʼoroj kʼuhbʼaal.
... inaqʼor i kʼuhbʼaal rajlaal xamaano.
... inatobʼeej i «móso korik wach rukʼux, wilik runaʼojbʼal» eh inakʼam naah chuʼnchel taqeh i naʼojbʼal iruyeew (Mateo 24:45-47).
... xabʼan chik atiij reh ruqʼahsjiik akʼachariik reh i Jehová eh chi nawaaj aloqʼem wach chi juneliik.
Mi inaqʼor chi ne chik irubʼan chi ne inaqahsaj ahaaʼ, reʼ awajkʼuhtaneel ne inqʼorik kuukʼ taqeh kʼamal bʼeeh, eh reʼ keh ne kiqʼorik awuukʼ mi ne chik irubʼan chi ne inaqahsaj ahaaʼ.
